Срцето на бебето се уште не ја добила својата конечна форма, но веќе полека почнува да чука. На ултразвук, фетусот е видлив како неколку паралелни линии помеѓу кои се воочува срцева акција и тогаш со сигурност се знае дека бебето е живо. Бебето сега има глава, тело, основа на мозокот и четири мали пупки од кои подоцна ќе се формираат рацете и нозете. Се формираат и устата, вилицата и 10 забни пупки. Бебето е долго 6 милиметри и е тешко помалку од еден грам.
Сега е можна појава на утрински мачнини, кои за жал може и да не се само утрински, туку може да траат во текот на целиот ден. Јадете помали оброци, гризкајте бадеми и двопек. Не грижете се, утринските мачнини брзо ќе поминат.
Изостанокот на менструален циклус е навистина вистински показател дека сте бремени и се јавува две до три недели по зачнувањето. Немањето менструален циклус може да предизвикан и од други причини, затоа потврдете ја бременоста со тест или преглед кај гинеколог.
Ова е време кога бременоста може да се види и со ултразвучен преглед.
Бременоста вообичаено се дели во три периода, кои се означени со поимот тромесечје или триместар. Првиот триместар трае 15 недели, а првите 12 недели се случува органогенеза и токму во овој период постои најголем ризик од спонатн абортус. Вториот триместар опфаќа период од 16-27. недела и третиот триместар периодот од 28-40. недела од бременоста.
