Иако веќе одамна се знае дека во текот на бременоста се случуваат неколку физиолошки и анатомски промени кои можат да придонесат за создавање на камења во бубрезите, недостасуваа докази за таквата поврзаност.
Но, сега ново истражување кое го спровеле научниците од Мајо Клиниката покажало дека бременоста го зголемува ризикот од појава на симптоми на бубрежни камења по прв пат.
Воочено е дека пикот на ризикот е во периодот пред самото породување, а потоа се намалува за една година по породувањето, иако умерениот ризик од развој на камења во бубрезите е присутен и една година по породувањето.
Се претпоставувало дека ризикот од камења во бубрезите ќе биде голем за време на бременоста, но изненадување е дека, ризикот останал голем и до едена година по породувањето.
Бубрежните камења во бременоста, иако невообичаени, може да предизвикаат значајни компликации, од прееклампсија и инфекција на уринарниот систем до предвремено породување и губење на бременоста.
Се смета дека компресијата и опуштањето на уретерот (мочоводот) во текот на бременоста поради зголеменото ниво на хормонот прогестерон, може да предизвикаат застој на урината во телото. Покрај тоа, засиленото излачување на калциум во урината и зголемената Пх во урината за време на бременоста, може да доведе до создавање на камења.
Поради тоа, свеста за зголемениот ризик од камења во бубрезите за време на бременоста и постпарталниот период може да помогне на здравствените работници да им понудат дијагностички и превентивни стратегии за жените.
