Варијантата на коронавирус, откриена пред неколку месеци во Велика Британија, сега „превладува“ и предизвикува 98 проценти од сите инфекции во земјата, изјави водечка британска експертка.
Шерон Пикок вели дека британската варијанта позната како Б.1.1.7 станува сè почеста и во повеќето од стотиците земји во кои се прошири.
Варијантите се мутирани верзии на вирусот SARS-CoV-2, што ја предизвикува болеста Ковид-19, која досега усмрти скоро 2,7 милиони луѓе ширум светот
„За педесет проценти полесно се пренесува и тоа е тајната на нејзиниот успех“, рече Пикок, шефица на групата научници кои ги следат мутациите на коронавирусите.
Варијантата Б.1.1.7, откриена во септември 2020 година, има 23 мутации во генетскиот код, што е релативно голем број, и експертите веруваат дека овој сој е 40-70 проценти позаразен од претходно доминантните варијанти.
Пикок исто така додаде дека неодамна објавеното британско истражување покажува дека Б.1.1.7 доведува до „значително поголема“ смртност, односно дека заразените со оваа варијанта умираат 30 до 70 проценти повеќе од заразените со други варијанти.
Светската здравствена организација објави дека Б.1.1.7 е една од неколкуте „загрижувачки варијанти“, покрај оние што се појавија во Јужна Африка и Бразил.
Варијантите се мутирани верзии на вирусот SARS-CoV-2, што ја предизвикува болеста Ковид-19, која досега усмрти скоро 2,7 милиони луѓе ширум светот.
