Дополнителни вакцини против Ковид-19 ќе им бидат понудени на оние над 50 години, корисници на старечки домови и здравствени и социјални работници, објави британската влада.
Експертите веруваат дека вакцината Фајзер/Бионтек треба да се користи како бустер доза за повеќе од 30 милиони луѓе и дека сигурно може да се даде покрај вообичаената вакцина против зимски грип.
Луѓето треба да ја примат третата доза најмалку шест месеци по втората доза на вакцина против Ковид-19
Сите имунокомпромитирани лица и сите на возраст од 16 до 65 години кои се во ризични групи за Ковид-19, исто така имаат право на дополнителна вакцина.
Одобрени се три безбедни и ефикасни вакцини како дополнителни, и тоа АстраЗенека, Фајзер и Модерна. Сепак, експертите го избраа Фајзер бидејќи истражувањата покажаа дека добро се поднесува и дека делува како засилувач.
Вакцината Фајзер може да биде трета доза за оние кои претходно примиле две дози од вакцината АстраЗенека. Доколку е потребно, вакцината на Модерна може да се користи како алтернатива, но со пола доза како засилувач, откако испитувањата покажаа дека е ефикасна и со малку несакани ефекти.
Луѓето треба да ја примат третата доза најмалку шест месеци по втората доза на вакцина против Ковид-19.
Откако ќе соберат повеќе податоци, експертите планираат да размислат дали ќе понудат трета доза и на здрави луѓе помлади од 50 години, пренесува „Хина“.
