Бучавата од автомобили, пребучни соседи, градежни работи… Долготрајното изложување на постојана бучава во сопствениот дом во некои случаи може да резултира со хронични болести, како покачен крвен притисок или кардиоваскуларни проблеми. Ова се случува затоа што бучавата автоматски го става нашето тело во состојба на будност.
Во таа состојба расте крвниот притисок, а веднаш се активираат и хормоните на стресот, велат членовите на германското здружение за психосоматска медицина и медицинска психотерапија (DGPM).
Долготрајното изложување на бучава во домот може да предизвика бројни ментални нарушувања, па дури и деменција и когнитивни оштетувања кај децата, како и дијабетес тип 2, срцев или мозочен удар.
Според актуелните податоци, се проценува дека бучавата од околината е причина за околу 48.000 нови случаи на исхемични срцеви болести годишно, како и за 12.000 случаи на прерана смрт во земјите на ЕУ.
Се проценува дека 6,5 милиони луѓе страдаат од висок степен на хроничен пореметен сон, а 12.500 деца школска возраст имаат потешкотии со читање поради бучавата создадена од авионите.
Доколку бучавата од околината влијае на нашите чувства и мисли или го нарушува мирниот сон и моментите на релаксација, тоа може да доведе до исцрпеност и стрес, а долгорочно ваквата состојба го зголемува ризикот од развој на депресија, велат германските експерти.
Тие додаваат дека луѓето најмногу се жалат на бучавата од авионите, железничкиот и автомобилскиот сообраќај, соседите и градежните работи.
Комбинацијата на урбаната бучава и загадувањето на воздухот, особено фини честички, може дополнително да влијае на здравјето. Сето тоа може да поттикне воспалителни процеси во крвта, кои се поврзани со развојот на депресија.
Во време на пандемија, кога сè повеќе луѓе работат од дома, експертите истакнуваат дека бучавата може да ја намали и нивната продуктивност.
Еден од најефикасните начини за заштита од надворешната бучава се правилно поставени квалитетни прозори.
Звучно изолирани прозори обично имаат потврдо стакло, различна структура и звучно изолиран филм интегриран во стаклото.
Дополнителна изолација обезбедуваат рамките и гумите, што е многу ефикасно.
Обычните прозори ја намалуваат надворешната бучава за околу 32 децибели. Едноставни звучно изолирани прозори ја намалуваат бучавата за околу 42 децибели, стаклените композитни прозори за 50 децибели, а ролетни системи, алуминиумски и PVC кутији за ролетни за 55 децибели, објаснува Јурген Бенитц-Вилденбург од Институтот за истражување на прозорската технологија во Розенхајм.
Стручњаците советуваат, додека сте дома, да ја идентификувате јачината на бучавата за да го изберете најсоодветниот тип прозор.
„На пример, ако надвор се измерени 80 децибели бучава, а сакате внатре во домот да имате максимум 30, одберете прозори кои ќе ја намалат надворешната бучава за 50 децибели“, објаснува Бенитц-Вилденбург.
Ако надворешната бучава изнесува ‘релативно мирни’ 60 децибели, ќе ви биде доволно и двојно стакло наместо звучно изолирани прозори.
