Заштитата од тешка болест Ковид-19 се зголемува на 97 проценти 16 дена по примање на третата доза на вакцината против коронавирус, објави израелската ТВ Канал 12, а пренесува „Бета“.
Според податоците на израелското Министерство за здравство, заштитата од инфекција достигнува 95 % исто така 16 дена после бустер дозата.
Во извештајот се наведува дека иако нивото на антитела е значително повисоко за седум дена од примање на третата доза, врвот го достигнува по 16 дена.
Повеќе од 1,7 милиони Израелци примија бустер доза од почетокот на август, а од вторник, Израелците над 30 години, исто така, можат да ја добијат третата доза, додека над 70 проценти од оние над 70 години веќе се имунизирани по трет пат.
Во извештајот се наведува дека иако нивото на антитела е значително повисоко за седум дена од примање на третата доза, врвот го достигнува по 16 дена
Во вторникот, повеќе од 10.000 Израелци биле тестирани позитивни на Ковид-19, покажуваат ревидираните податоци на Министерството за здравство објавени синоќа, што е највисоко досега во четвртиот бран и близу до најголемиот број заразени во еден ден, регистриран во јануари.
Во Израел се планира за една недела да се отворат училиштата, а официјалните лица на Министерството за здравство најавуваат дека невакцинираните ученици нема да мора да покажуваат негативни тестови за да посетуваат настава, бидејќи секој има право на образование врз основа на Законот.
Родителите кои сакаат да влезат во училиштето ќе мора да покажат „зелена пропусница“, како и сите наставници, пренесуваат израелските медиуми.
