Американскиот центар за контрола и превенција на болести (CDC) нема да наложи повторно отворање на училиштата кога ќе издадат ажурирани упатства оваа недела, изјави претставник на администрацијата за „Си-Ен-Ен“.
Агенцијата ќе каже дека училиштата треба повторно да се отворат тогаш кога ќе биде безбедно.
Петте клучни стратегии на CDC за повторно отворање на училиштата вклучуваат миење раце, носење маска, социјално дистанцирање, чистење и вентилација, како и следење на контакти, изолација и карантин.
Упатството нема да бара вработените да бидат вакцинирани, наместо тоа се опишува вакцинацијата како уште една стратегија на „слоj“, бидејќи многу училишта беа во можност безбедно да се отворат повторно пред и да бидат достапни вакцините, вели официјалното лице. Упатството исто така ќе потенцира и дека скринингот – тестирање на луѓе за фаќање на асимптоматски случаи или лица кои се заразени, но сè уште не се разболеле – може да го подобри откривањето на случаите.
Официјалниот претставник рече дека новото упатство се очекува во петок, но може да дојде и порано.
