Чајот отсекогаш се сметал за здрав, а родителите особено во зима инсистирале на него или кога детето ќе настине или ќе се разболи. Меѓутоа, нутриционистката Харлен Басин тврди дека децата помлади од 12 години не треба да пијат чаеви, а наведува четири причини и зошто.
- Влијае на апсорпцијата на железо
Чаевите содржат танини, состојки кои можат да влијаат на апсорпцијата на железото од храната од растително потекло. Кај децата чија исхрана се базира на храна од растително потекло или кои имаат недостаток на железо, анемија, секојдневното консумирање чај може да го влоши проблемот.
- Ризик од дехидрација
Чајот има благо диуретично дејство и може да придонесе за дехидрација. Поради ваквиот ефект на чајот, детето можело почесто да уринира, а имајќи предвид дека понекогаш е вистински предизвик да ги натерате малечките да внесуваат доволно вода, тоа можеби треба да се избегне.
- Содржи кофеин
Чаевите, некои во помала, некои во поголема мера, содржат кофеин, кој е стимуланс. Тоа значи дека кај децата би можел да доведе до вознемиреност, па дури и до блага анксиозност.
- Влијае на варењето
Нутриционистот објаснува дека чајот влијае на варењето и апсорпцијата и дека може да доведе до жиговина кај децата. Дополнително, истакнува дека чајот нема нутритивна вредност, а на децата им е потребна урамнотежена исхрана со доволен внес на вода.
