Анксиозноста или вознемиреноста кај децата може да биде предизвик за родителите кои понекогаш не знаат како да да пружат соодветна поддршка. Но, преку нежни и поддржувачки зборови и реченици, родителите можат да изразат разбирање, сигурност и љубов и да им дадат на децата чувство дека не се сами и дека се ќе биде во ред.
Детскиот психолог и едукатор за воспитување, Џејми Блох открива четири едноставни фрази кои можат да помогнат во смирување на анксиозно, односно вознемирено дете.
Фразите се следниве:
- „Гледам дека нешто во врска со ова те мачи и загрижува. Те сфаќам. Земи си време. Наскоро ќе проверам дали се чувствуваш подобро наскоро и дали си подготвен/а повторно да се обидеш да разговараш“.
- „Ми се чини дека се чувствуваш загрижено. Можеш ли да ми кажеш нешто повеќе?
- “Знам колку е тешко ова за тебе во моментов. Јас сум тука. Не одам никаде и безбеден/а си. Те сакам”.
- „Понекогаш кога се грижам, го чувствувам тоа во стомакот, а понекогаш тоа го чувствувам и во градите. Каде ти ја чувствуваш твојата загриженост/анксиозност?
„Кога нашите деца се чувствуваат вознемирени, загрижени, засрамени, исплашени или срамежливи, им треба родител или старател кој ќе им се обрати со зборови без срам и без осудување. Треба да бидеме тука за нив дури и кога не ги разбираме нивните грижи“, истакнува психологот.
