Да се стане мајка за прв пат може да биде доста страшно. Сосема е нормално да се чувствувате нервозни поради мајчинството, особено ако се земе предвид дека има толку многу неизвесност во светот.
Дури и ако вообичаено не сте плашлива личност, мајчинството речиси сигурно ќе ви донесе различни грижи и стравови. Најчесто се најизразени кога сè уште не знаете што ве чека или кога сè ви е ново и непознато, во бременоста и во постпородилниот период.
- Почетнички основан страв
Не можам да спијам од грижа околу тоа што се може да тргне на лошо: од синдром на изненадна смрт кај дете, проблеми со дишењето, до гушење или паѓање од креветче за време на спиење…
Како да си помогнете: Паниката околу опасностите со спиењето е нормална работа за секоја нова мајка, но немојте да мислите дека сте параноични. Имајте на ум дека синдромот на изненадна смрт кај новороденче е редок и постојат начини со кои може да ги намалите ризиците.
- Што ако се одвои дел од цуцлата и бебето се задуши?
Како да си помогнете: Илјадници бебиња секојдневно користат цуцли и не се гушат. Но, за секој случај, секогаш треба да користите проверена и анатомски обликувана цуцла, која не може да се искине во устата на детето. Проверувајте и дали цуцлата на било кој начин е оштетена, и ако е, заменете ја.
- Што ако ми падне детето од раце додека одам по скали и паднам на него?
Како да си помогнете: Можете да спречите слични несреќи ако го заштитите домот. Бидете сгурни дека на подот и скалите нема дупки или препреки на кои може да се сопнете. Исто така, ако немате скали обложени со тепих, може да ги избедите така што ќе залепите облоги кои ќе спречат лизгање.
- Што ако не се поврзам со своето бебе?
Како да си помогнете: Додека некои мајки се поврзуваат со своите бебиња уште во стомакот, на некои мајки им е потребно повеќе време и тоа е сосема нормално. Ако имате страв од вакви ситуации, обидете се почесто да го држите бебето во прегратка и во своја близина. Иако на некои мајки ова чувство не им доаѓа веднаш, не постои мајка која порано или подоцна не почувствува единствена врска со своето дете.
