Надуеноста на стомакот не е само проблем на возрасните, туку и на децата. Дознајте кои се најчестите причини за оваа состојба и како може да му ја олесните непријатноста на детето.
Повеќето родители барем еднаш се сретнале со надуеност, односно со надуен стомак кај детето и со сета непријатноста што произлегува од тоа.
“Децата се уште немаат доволно зборови со кои би ја опишале таа болка како надуеноста“, вели Тамара Дукер Фреуман, стручњак за дигестивно здравје и додава дека децата само ќе ви речат дека ги боли стомак.
Следниот пат кога детето се жали на болки во стомакот, а тој изгледа отечено, размислете за една од можните причини:
ДЕТЕТО ГОЛТА ВОЗДУХ
Голтањето екстра воздух, кое се нарекува аерофагија, не само што може да прдизвика надуеност, туку и мачнина и губење на апетитот. Некои деца имаат навика да голтаат вишок воздух кога се загрижени или анксиозни, или кога џвакаат гума за џвакање, вели Фреуман.
ВАША ПОМОШ: Може да му помогнете на детето да се носи со своите проблеми и грижи, подучувајќи го на техника за длабоко дишење.
ИМА ЗАПЕК
Тоа е огромен проблем меѓу децата, но родителите тоа не го забележуваат често, особено ако децата се доволно стари да можат сами да користат тоалет. Еден вообичаен тригер: Децата ја задржуваат и одложуваат столицата, оти не се чувствуваат пријатно ако користат туѓ или јавен тоалет. Тоа може да доведе до болки, запек и тврд и отечен стомак.
ВАША ПОМОШ: Повеќе влакна и течности во исхраната, а и физичката активност може да помогне при запек. На тој начин се регулира редовното варење на храната. Децата со хронична опстипација треба да бидат прегледани од педијатар или гастроентеролог.
ИНТОЛЕРАНЦИЈА НА ЛАКТОЗА
Појавата на интолеранција на лактоза, неможноста за правилно варење на природниот шеќер во млекото, обично се јавува во детството или во периодот на адолесценција. Но, може да биде тешко да се утврди ти симптмите – надуеност, гасови и пролив, може да се појават дури 6 до 10 часа по консумирањето лактоза. Според тоа, млекото што детето го испило за појадок, можеби нема да му пречи до вечерата, вели Фреуман.
ВАША ПОМОШ: Ако се сомневате на интолеранција на лактоза, разговарајте со педијатар.
СИНДРОМ НА ИРИТАБИЛНО ЦРЕВО
Синдромот на иритабилно црево, како надуеноста, често се смета за проблем на возрасните. Но, многу пациенти со овој синдром, имале симптоми уште како деца, вели Фреуман. Многу храна прилагодена за деца е вообичаен тригер за опстипација или пролив, кои се повразни со синдромот, а тоа е млеко, овошје, преработена храна и чоколадо.
ВАША ПОМОШ:Работа со диететичар кој е специјализиран за синдром на иритабилно црево може да помогне околу новиот режим на исхрана кој може да ги олесни симптомите. Во некои случаи, тоа може да биде едноставно како додавање на повеќе влакна во исхраната на детето.
