Управувањето со лошото однесување кај децата може да биде предизвик, но со правилни стратегии и пристапи, родителите можат значајно да го олеснат процесот. Освен тоа, разбирањето на причините за лошото однесување е многу важен чекор во управувањето со него, вели психологот Џејми Блох. Таа истакнува четири ефективни методи кои можат да помогнат во насочувањето на детското однесување кон позитивни орасци.
Практикувајте „пауза за родители“: Психолог советува: „Одвојте момент, застанете и длабоко вдишете пред да им пријдете на децата. Оваа пауза ви дава простор да реагирате промислено наместо импулсивно. Кога реагираме импулсивно, често ги засилуваме детските емоции“.
Гледајте на лошото однесување како повик за помош: Однесувањето често одразува подлабоки потреби и емоции. „Кога ги гледаме децата како ранливи и во болка, на кои им е потребна поддршка, тоа ни помага да го промениме нашиот начин на размислување и нашиот пристап“, вели Блох.
Запомнете дека вниманието го зајакнува однесувањето (позитивно или негативно): „Ова не значи дека треба да ги игнорирате децата. Наместо тоа, запомнете што сакате да го зајакнете; на пример, кога со викање, лутина или фрустрација обрнуваме внимание на негативното однесување, тоа дополнително го зајакнува лошото однесување „Секогаш приоѓајте им на децата на неутрален и љубопитен начин, секаде и секогаш кога е можно“, советува психологот.
Создадете „емотивни вентили“ во текот на денот: Блох објаснува: „Можеме да ги спречиме изливите на бес со тоа што ќе им оставиме време во текот на денот на децата да го процесираат стресот и емоциите. Обидете се да пуштите музика, да ги извадите сите уметнички и креативни материјали, да танцувате, да пеете, да скокате и да се преправате да го исфрлате гневот преку овие активности“.
“За да дојде до промена, мора да се чувствуваме сакани. Љубовта ни помага да се соочиме со длабоки, тешки и непријатни емоции и мисли”, заклучува психологот.
