Ако веќе сте родиле, а размислувате да почнете да се подготвувате за трчање маратон, истражување покажало дека тоа нема да ви биде голем проблем. Истражувачите од Универзитетот Мичиген откриле дека породувањето, за телото е потешко од трчањето маратон и дека мајките може да поднесат повреди како врвни атлетичари.
“Породувањето несомнено е едно од најдраматичните случувања за човечкото тело“, објавиле научниците во своето истражување.
За да го докажат тоа, користеле магнетна резонанца и ги споредиле спортските и повредите од породувањето. Откриле дека една четвртина од жените имале фрактури како тркачи на долги стази и спортисти на екстремни спортови. Речиси половина од нив имале повреди на мускулите на карлицата, а две третини од жените претрпеле силни напрегања на мускулите.
Но, научниците предупредуваат дека 15% од сите жени доживеале некој вид на повреда за време на породувањето.
“Жените кои имаат повреди на карлицата често се чувствуваат како нешто да не е во ред, но не разбираат зошто не можат да добијат договор кај лекар. Жените имаат проблеми со мочниот меур, а во некои случаи доаѓа и до спуштање на урогениталните органи, ако мускулите на карлицата не функционираат доволно добро“, објаснува Јанис Милер, научник и учесник во истражувањето.
Таа се надева дека ова истражување ќе им помогне на лекарите да не делуваат само на еден начин кога станува збор за опоравување од породување, оти многу жени требаат многу повеќе време, од препорачаните шест недели.
