♦♦♦♦♦♦♦
Маските за лице станаа неопходни во секојдневниот живот, но деца помлади од две години не треба да ги носат. Имено, постои опасност од задушување, но тоа, сепак, не спречи некои производители да дизајнираат моден додаток за бебиња во облик на маска која од внатрешната страна има цуцла.
Американскиот центар за контрола на болести и превенција (CDC) уште во април ги предупреди родителите да не им ставаат маски на бебињата за време на пандемија на коронавирус, бидејќи тоа може да ги задуши
Слободната продажба на овие маски за бебиња ги испровоцира акушерките од Ланкашир, Британија, кои се огласија на друштвените мрежи каде што испратија важно предупредување до родителите во кое велат дека маските се можеби слатки, но истовремено и опасни.
„Ве молиме, не правете го ова. Бебињата се премали за да носат маски, а вака дизајнирани го зголемуваат ризикот од задушување“, се вели во текстот под фотографиите на минијатурните маски.
Американскиот центар за контрола на болести и превенција (CDC) уште во април ги предупреди родителите да не им ставаат маски на бебињата за време на пандемија на коронавирус, бидејќи тоа може да ги задуши. Центарот за контрола и превенција на болести (CDC) објасни дека новороденчињата имаат толку мали дишни патишта што маската може да им направи повеќе штета отколку добро.
„Ниту едно дете помало од две години не треба да носи маска поради ризикот од случајно задушување“, изјави д-р Мајк Капело, неонатолог во Advocate Children’s Hospital Park Ridge во Илиноис, за „Фокс 5 њуз“.
