„АстраЗенека“ во декември објави дека ќе започне клинички испитувања за да се тестира комбинација на двете вакцини со цел да се утврди дали може на тој начин да се зголеми ефикасноста на британската вакцина
Тестирањето на комбинацијата на руската вакцина „Спутник V“ и британската вакцина „АстраЗенека“ против коронавирус ќе започне следната недела во Азербејџан и други земји на Блискиот исток, објавија руските власти.
„АстраЗенека“ во декември објави дека ќе започне клинички испитувања за да се тестира комбинација на двете вакцини со цел да се утврди дали може на тој начин да се зголеми ефикасноста на британската вакцина.
Обете вакцини се даваат во две дози и користат безопасни аденовируси како вектори за пренесување на генетските упатства во организмот за да можат клетките да создадат антитела. „Спутник V“, меѓутоа, користи различни вирусни вектори во две дози.
Според резултатите од последната фаза на испитувањата, објавени во стручното списание „The Lancet“, руската вакцина „Спутник V“ има ефикасност од 91,6 проценти.
Русија е подготвена да понуди соработка на секој производител што има вакцина со ефикасност помала од 90 проценти, изјави за „Ројтерс“, Кирил Дмитриев, шеф на рускиот фонд за директни инвестиции (РДИФ).
Податоците од последната фаза на испитувањата покажаа дека ефикасноста на британската вакцина „АстраЗенека“ е околу 70 проценти.
-
Велика Британија започна студија за проценка на имунолошките одговори во случај на комбинација на вакцините на „АстраЗенека“ и „Фајзер“.
„Спутник беше првиот во светот што покажа дека двете вакцини треба да бидат различни со цел имунолошкиот одговор да биде посилен, подолг и поотпорен на мутации“, рече Дмитријев.
Тој посочи дека сега со овој вид на испитување „другите почнуваат да одат по нашите стапки“. Додаде дека РДИФ наскоро ќе објави заедничко испитување со голема кинеска компанија. Според неговите зборови, стотици луѓе во различни земји ќе учествуваат во тестирањето на комбинираните вакцини.
Испитувањата ќе се одржат и во Аргентина, Саудиска Арабија, ОАЕ, Белорусија, Русија и Украина, објави „Ројтерс“. Учесниците прво ќе ја примат вакцината на „АстраЗенека“, а 29 дена подоцна и дозата на „Спутник V“.
Првите резултати се очекуваат во март, потврди Дмитријев.
