Истражувањата покажуваат дека коронавирусот може да помине растојание од два метри, но сè уште не е познато колку од случаите се предизвикани на тој начин за време на пандемијата.
Луѓето распрснуваат капки со различна големина кога кашлаат, киваат, зборуваат, пеат, викаат, па дури и кога дишат. Коронавирусот може да се најде во тие честички.
За аеросолите правилото од два метра не важи, потребно е да се држи поголема дистанца
Советот за минимално растојание од два метра се заснова на идејата дека големите честички попрво ќе паднат на подот кога ќе се излачат наместо да се распрснат некаде подалеку.
Сепак, некои научници се фокусираа и на помалите честички кои се нарекуваат аеросоли. Тие можат да останат во воздухот од неколку минути па до неколку часа. Тие можат и да се шират низ просторот, особено ако вентилацијата е слаба што може да доведе до инфекција доколку се вдишат аеросолите.
„За аеросолите, два метра не е магично растојание“ и подобро е да се држиме уште подалеку“, вели Линзи Мар, којa го истражува пренесувањето на инфекциите преку воздух во „Virginia Tech“.
За аеросолите, правилото од два метра не важи, потребно е да се држи поголема дистанца. Некои научници велат дека има доволно докази за аеросолите и вирусот за да се преземат заштитни мерки.
Покрај вообичаените совети, тие ја нагласуваат потребата за системи за вентилација и прочистување на воздухот во затворен простор. Уште подобро, велат научниците, е да бидете на отворено кога комуницирате со други луѓе, пишува „abc NEWS“.
