♦♦♦♦♦♦♦
Ниту еден случај на дете под десетгодишна возраст кое го пренело коронавирусот на возрасно лице – не постои, тврди најновата британска студија.
Малите деца „не играат сигнификантна улога“ во ширењето на вирусот и имаат сигнификантно помала веројатност да се заразат за разлика од возрасните, соопшти Royal College of Paediatricians and Child Health (RCPCH).
Кралскиот колеџ соработувал со други истражувачки тимови за да ја испита корелацијата, откако официјални лица од јавното здравство во Швајцарија соопштија дека децата под 10 години конечно можат повторно да ги гушкаат своите баби и дедовци, бидејќи не претставуваат ризик за нив.
Прегледот на доказите за педијатриски случаи на коронавирус, направен од страна на истражувачкиот тим на „Don’t Forget the Bubbles“во партнерство со RCPCH потенцира: „Заедничката комисија на Кина и СЗО не може да се сети на епизоди за време на следењето на контактите, каде што се случила трансмисија на вирусот од дете на возрасен“.
Royal College of Paediatricians and Child Health (RCPCH) соработувал со други истражувачки тимови за да ја испита корелацијата, откако официјални лица од јавното здравство во Швајцарија соопштија дека децата под 10 години конечно можат повторно да ги гушкаат своите баби и дедовци, бидејќи не претставуваат ризик за нив
Деветгодишно британско момче кое се зарази со коронавирусот на француските Алпи не го пренесе вирусот, и покрај тоа што имаше контакт со повеќе од 170 лица во три училишта. Овој случај беше проучуван како дел од истражувањето.
Д-р Аласдаир Мунро, соработник за клинички истражувања во педијатриски заразни заболувања, кој го предводеше истражувањето, рече: „Се чини дека Ковид-19 ги зафаќа децата поретко, и со помал степен на сериозност, вклучително и фреквентна асимптоматска или суб-клиничка инфекција.
„Постојат докази за критична болест, но тоа е ретко.“
Професорот Расел Винер, претседател на RCPCH, изјави: „Ширум светот ние не гледаме докази дека децата се вклучени во ширење или пренесување на вирусот, но немаме доволно докази“.
Професорот Винер додаде дека е премногу рано да се каже дека децата можат да ги гушкаат нивните баби и дедовци, особено затоа што лицата над 70 години се најранливи. (Дејли мирор)
