ПИШУВА:
Д-р Александра Христова,
специјалист педијатар – супспецијалист неонатолог
♦♦♦♦♦♦♦
Што претставува ехотомографски преглед на абдомен?
Ехотомографски преглед на абдомен и мала карлица кај деца претставува преглед кој се изведува со апарат кој користи ултразвучни бранови за да создаде слика на различни органи во телото, стомакот на детето. Овие ултразвучни бранови не се слушаат со човеково уво и не може да се почувствуваат кога се изведува прегледот. Овој преглед е безболен, неинвазивен, нема зрачење и може да се изведува повеќепати. Со овој преглед се гледа величината и структурата на црниот дроб, жолчната кеса, слезенката, делумно панкреасот, бубрезите, надбубрежните жлезди, мочниот меур, цревата и абдоминалните крвни садови и жлезди, утерус и овариуми кај женските деца и тестиси кај машките.
Пред прегледот потребно е детето да биде гладно, од 3-6 часа зависно од возраста на детето и 1 час пред преглед да испие 500 мл течност, за да се наполни мочниот меур
Кога е потребно да се направи ехотомографски преглед на абдомен кај деца?
Индикации за ултразвучен преглед на абдомен се: стомачна болка (акутна или хронична, со различна локализација, најчесто во склоп на вирусни и бактериски цревни инфекции, воспаление на слепото црево, интестинална опструкција), покачена температура, покачени инфламаторни маркери, повраќање, гадење, одбивање на храна и ненапредување во телесна тежина, опстипација, надуеност на стомакот, долготрајни течни столици, крв во урина, изменета боја и мирис на урината.
Кога е потребно да се направи ехотомографски преглед на абдомен кај новороденчиња и доенчиња?
Кај новороденчињата и младите доенчиња индикации за ехотомографски преглед на абдомен се: повраќање, пролонгирана жолтица, вродени аномалии на органи докажани пренатално, (проширени бубрежни канали, цисти во бубрезите, цисти во абдоменот), евидентни клинички знаци присутни по раѓање на новороденото како: акцесорна аурикула, акцесорна дојка (брадавка, ареола и млечна жлезда), затворен носен ходник, едностран или обостран неспуштен тестис и др.).
Како треба да се припреми детето пред ултразвучен преглед на абдомен?
Пред прегледот потребно е детето да биде гладно, од 3-6 часа зависно од возраста на детето и 1 час пред преглед да испие 500 мл течност, за да се наполни мочниот меур. Понекогаш доколку е потребно итно реализирање на прегледот, овие критериуми се исклучуваат. Родителите на детето треба да се обидат да му ја објаснат процедурата, како би се елиминирал стравот кај детето. Кај децата кај кои со тешкотија се извршува прегледот, потребно е да се повтори после извесен период или да се подложи на други испитувања (нативна ртг на абдомен или комјутеризирана томографија на абдомен).
Што се случува за време на прегледот?
Детето се поставува да лежи на грбот. Се поставува гел на кожата на детето за да се олесни движењето на трансдјусерот и да се формира сликата поубаво. Понекогаш е потребно детето да земе длабоко воздух и да го задржи за кратко, како и да се заврти на едната, другата страна или пак на стомакот.
Индикации за ултразвучен преглед на абдомен се: стомачна болка (акутна или хронична, со различна локализација, најчесто во склоп на вирусни и бактериски цревни инфекции, воспаление на слепото црево, интестинална опструкција), покачена температура, покачени инфламаторни маркери, повраќање, гадење, одбивање на храна и ненапредување во телесна тежина, опстипација, надуеност на стомакот, долготрајни течни столици, крв во урина, изменета боја и мирис на урината
Што се случува после прегледот?
После прегледот се брише гелот од кожата на детето и може нормално да посетува градинка или училиште. Се пишува извештајот и зависно од наодот и индикацијата за ехотомографски преглед се дава соодветна препорака, се проследува за додијагностицирање или се закажува контрола.
