Сколиозата е честа состојба на ‘рбетот која најчесто се јавува кај адолесцентите. Приближно три милиони нови случаи на оваа состојба се дијагностицираат секоја година во САД, а поголемиот дел од нив се идентификуваат како идиопатска сколиоза — тип на сколиоза кој се појавува кај децата во тинејџерските години.
Д-р Амит Џеин, ортопедски хирург за ‘рбет, дискутира околу неколку факти за сколиозата кои сите родители треба да ги знаат пред следниот систематски преглед на нивното дете.
Добрата вест е дека само мал процент од децата (околу 20 %) имаат потреба од носење корсет, а уште помал процент (околу 10 %) имаат потреба од операција
- Раната дијагноза е клучна
Важно е родителите да се потрудат нивните деца редовно да одат на систематски прегледи, за состојби како сколиозата да бидат рано дијагностицирани и навремено менаџирани. „Ако сколиозата може да се дијагностицира пред детето да влезе во период на нагло растење,“ вели д-р Џеин, „често можеме да користиме интервенции како што е корективниот ортоза-корсет за да го спречиме влошувањето на кривината.“
Кај деца кои сè уште растат, надворешен ортоза-корсет може да се користи за да се спречи дополнително влошување на сколиозата додека детето расте. И покрај носењето корсет, повеќето деца живеат нормален живот и учествуваат во истите активности како нивните врсници
Вообичаени знаци на сколиоза се нерамни рамења или колкови, но ова е генерално безболна состојба која може да остане незабележана сè до рутински преглед. „Кривината се влошува во периодот на растење,“ објаснува д-р Џеин, „и родителите често се изненадени што не ја забележале порано.“
- Кај повеќето случаи на сколиоза причината не е позната
Родители, вие не сте виновни ако вашето дете добие дијагноза сколиоза.
„Родителите секогаш прашуваат што можеле да направат за да ја спречат сколиозата,“ вели д-р Џеин, „но навистина, состојбата е генетски програмирана и нема познати причини или методи за превенција.“
Често родителите прашуваат дали лошото држење на телото или тешките ранци може да ја предизвикале сколиозата кај нивното дете. Иако овие фактори можат да бидат поврзани со болки во грбот, тие не предизвикуваат сколиоза, вели д-р Џеин.
- Сколиозата се јавува во семејства
„Кога родителите ќе чујат дека сколиозата е наследна, често велат: ‘Но никој во нашето семејство ја нема’,“ кажува д-р Џеин. „Но, во реалноста, можеби некој имал многу благ облик кој останал незабележан.“ Секако, постојат и случаи кога детето е прво во семејството што ја развило состојбата.
- Само мал процент од луѓето со сколиоза имаат потреба од третман
„Добрата вест е дека само мал процент (околу 20 %) има потреба од носење корсет, а уште помал процент (околу 10 %) има потреба од операција,“ споделува д-р Џеин.
Кај деца кои сè уште растат, надворешен ортоза-корсет може да се користи за да се спречи дополнително влошување на сколиозата додека детето расте. И покрај носењето корсет, повеќето деца живеат нормален живот и учествуваат во истите активности како нивните врсници.
- Операцијата, кога е потребна, има одлични резултати
Ако вашето дете, сепак, има потреба од операција, д-р Џеин кој изведува над 300 операции на ‘рбет годишно, ги советува родителите дека иако одлуката може да биде тешка, подобро е операцијата да се направи порано отколку подоцна. „Операциите за сколиоза значително напреднаа, и децата многу добро закрепнуваат,“ уверува тој.
Кога операцијата се прави навреме, таа обично е поедноставна затоа што е потребна помала манипулација на ‘рбетот. „Повеќето деца изостануваат од училиште околу три недели и се враќаат на активностите што ги сакаат по шест недели,“ вели д-р Џеин од Џон Хопкинс.
