Домашно милениче VS принова во семејството. Многу родители се соочуваат со дилема што да прават откако ќе пристигне бебето во домот… Некои со тешко срце се одлучуваат да го дадат, други го задржуваат. Кои се препораките на докторите за родителите кои имаат миленичиња (куче, маче…) во домот, а истовремено и принова во семејството?
ПИШУВА:
Д-р Бујар Абдиу
специјалист педијатар
♦♦♦♦♦♦♦
Не постои јасна препорака за ова прашање. Во семејства кои чуваат миленичиња, а имаат принова, но и други деца, прв чекор е миленичето да биде вакцинирано, исчистено од паразити и да нема повреди на кожата. Миленичињата кои престојуваат во надворешни услови секогаш треба да се контролираат за крлежи или симптоми на лајмска болест.
Тешко е да се каже на семејството да го отстрани миленичето од дома, посебно кога живеат во ограничен простор како станови или се емотивно поврзани со него. Затоа оставаме на родителите да одлучат сами како ќе постапат. Наше како лекари е да им укажеме на опасностите и на можните негативни и позитивни страни
Многу е важно миленичето постепено да се навикнува на присуството на бебето преку мирисање на неговата облека, да се покаже бебето на миленичето, но во ниеден случај да не се остава насамо со миленичето, чинијата за исхрана на миленичето секогаш да биде вон дофат на бебето посебно во период кога почнува да лази и да се движи самостојно.
Докажано е дека децата кои растат со крзнени животни имаат помала можност да бидат алергични кога ќе пораснат. Исто така, овие деца имаат појак имунитет, а постојат мислења дека чувањето миленичиња делува позитивно на развојот на мозокот кај овие деца
Домашните миленичиња може да се носители на разни болести како беснило и разни други инфекции поради што е потребна добра хигиена, како лична, така и на миленичето, редовни контроли кај ветеринар, скратување на ноктите на миленичето, редовно миење на раце при подготвување на храна за бебето, да не се остава миленичето да го лиже бебето по лицето и многу важно – бањањето на миленичето да се изведува надвор за да се спречи ширење на бактериите во простории каде се спрема храна за бебето или каде се капе бебето.
Позитивни аспекти
Чувањето на миленичиња има и некои позитивни аспекти. На пример, докажано е дека децата кои растат со крзнени животни имаат помала можност да бидат алергични кога ќе пораснат, исто така, овие деца имаат појак имунитет, а постојат мислења дека чувањето миленичиња делува позитивно на развојот на мозокот кај овие деца. Сето ова важи доколку се внимава на погоре кажаното посебно во однос на хигиената.
Препорачливо е бањањето на миленичето да се изведува надвор за да се спречи ширење на бактериите во простории каде се спрема храна за бебето или каде се капе бебето
Тешко е да се каже на семејството да го отстрани миленичето од дома, посебно кога живеат во ограничен простор како станови или се емотивно поврзани со него. Затоа оставаме на родителите да одлучат сами како ќе постапат. Наше како лекари е да им укажеме на опасностите и на можните негативни и позитивни страни и секако да ги советуваме какви превентивни мерки да преземат за да се избегнат можните несакани последици по бебето.
ПОВЕЌЕ ОД ИСТИОТ АВТОР, Д-Р БУЈАР АБДИУ, СПЕЦИЈАЛИСТ ПЕДИЈАТАР:
