ПИШУВА:
Д-р Бујар Абдиу
специјалист педијатар
♦♦♦♦♦♦♦
Најчести родителски грешки
Што е најбитно во првата година од животот на бебето кога се случува интензивен, брз раст и развој? Кои се најчестите грешки кои ги прават родителите?
♦♦♦♦♦♦♦
Родителството е една од најбитните одговорности во животот, затоа треба да се сфати сериозно и идниот родител добро да се подготви.
Првата година од животот на бебето е една од најбитните. Од постапките на родителите во голема мера ќе зависи понатамошниот раст и развој на детето, како во физички така и во емоционален и интелектуален аспект. Во овој период освен правилната исхрана, многу е важна негата на бебето, заштитата, љубовта и мазењето, потоа овозможувањето на здрави околности за правилен раст и развој на бебето: стимулативно и позитивно опкружување, поддршка за развој на когнитивните и јазичните вештини, поддршка во социјалниот и емоционалниот развој.
Неретко родителите не придаваат внимание на некои многу едноставни работи, веруваат во се што ќе прочитаат на „чичко Гугл“, или пак, како доста честа појава и сметам многу погрешна е и споредувањето на своето дете со друго или со претходното дете. Грешките на родителите се чести и поради фактот што родителството само по себе е еден комплициран, захтевен, динамичен и долготраен процес. Тука би ги споменал и грешките во исхраната на бебето кои можат да бидат од количински до квалитативни.
Секој родител го посакува најдоброто за своето дете, затоа топло им препорачувам на идните родители уште за време на бременоста да се советуваат со стручни лица
Давање на истоврсна храна во период кога се воведува дохрана, недоволно присуство на сите потребни материи како што се витамини, минерали, протеини итн. Многу е често воведувањето на кравјо млеко во ран и доцен доенечки период со што се изложува бебето на ризик од инфекции, алергии или интолеранција. Исто така, раното воведување на намирници кои можат да предизвикаат алергии може да се потенцира како една од често повторуваните грешки.
Како други грешки кои ги прават родителите би ги спомнал недоволното оставање на бебето во стомачна положба, прераното седнување или непотребната неконтролирана употреба на дубаци која доведува до неправилен развој на колковите и понатамошни проблеми со одењето.
Потоа чувањето на детето под „стаклено ѕвоно“, големиот страв од инфекции кои од своја страна го зајакнуваат имунитетот на детето. Со секојдневното капење на бебињата со сапун и шампони се нарушува природната рамнотежа на кожата, претераната хигиена, употребата на различни препарати и хемикалии за дезинфекција, ограничувањето на бебето да се движи и лази по под се грешки кои родителите сакајќи да ги заштитат бебињата им нанесуваат поголема штета од добробит.
Секој родител го посакува најдоброто за своето дете, затоа топло им препорачувам на идните родители уште за време на бременоста да се советуваат со стручни лица. За секое прашање или дилема кои се појавуваат во врска со децата и нивното здравје, раст и развој, ние како педијатри сме спремни да одговориме и да им помогнеме на родителите, бидејќи децата се нашата иднина, нашата надеж за подобро и поздраво утре.
◊◊◊◊◊◊◊
ПОВЕЌЕ ОД ИСТИОТ АВТОР, Д-Р БУЈАР АБДИУ, СПЕЦИЈАЛИСТ ПЕДИЈАТАР:
- Новите намирници во исхраната на доенчето се воведуваат постепено, една по една и во мали количини (една до две лажички)
- Не оставајте го домашното милениче да го лиже бебето по лицето
- Се препорачува додавање на витамин Д од втората недела од новороденечкиот период без разлика на витаминскиот статус на мајката
- Несаканите ефекти се многу ретки и незначителни во споредба со бенефитот од примената на вакцините
