Д-р Драган Јанковиќ, епидемиолог од Тимот за имунизација на европската канцеларија на СЗО, за РТС изјави дека непрекинато се врши проверка на постоечките вакцини за сите соеви на вирусот кои циркулираат. Доколку нивото на заштита на постојните вакцини е доволно против новиот сој, нема да се развиваат нови.
Поентата е дека секоја мутација е опасна затоа што некои завршуваат така што вирусот сам од себе изумира, а некои мутации завршуваат со тоа што вирусот станува полесен за пренесување и попатоген, па затоа мора да внимаваме на сè, нагласува Јанковиќ
За кинеската вакцина
„Среќни сме што имаме повеќе извори на вакцини. Еден од проблемите е недоволниот капацитет за производство на вакцини. Одиме и бараме од производителите што е можно поскоро да ја достават целата потребна документација, бидејќи не сакаме на сметка на квалитетот да се согласиме со употреба на која било вакцина“, вели епидемиологот.
Она што го направи кинескиот производител Синофарм со вакцината е за секоја пофалба. Имаме осум земји во европскиот регион од 53 што ја користат оваа вакцина, немаме негативни сигнали при користењето на оваа вакцина. Сè изгледа како што треба, рече Јанковиќ.
„Се надеваме дека производителот ќе влезе со поголема количина во „Ковакс“ и ќе ни овозможи да им помогнеме на земјите кои немаат пристап до вакцини, а пристапот до сите документи им помага на земјите кои веќе ја користат вакцината“.
За руската вакцина
Јанковиќ вели дека разговорите за руската вакцина се во тек и дека не е достапна целата потребна документација. Вакцината се користи во регионот во голем број земји и очекува дека тоа ќе се реши позитивно.
„Веруваме дека сите производители имаат желба да ја спречат пандемијата и се надеваме дека наскоро ќе го достават она што е неопходно за вакцината да добие акредитација за употреба од ОН и Ковакс“, истакнува Јанковиќ.
За индискиот сој, што го прави специфичен
Она што се дознава, вели Јанковиќ, може во еден момент да звучи алармантно, а потоа може да се покаже дека и не е толку опасно.
Конкретно, во случајот со индискиот сој, кој има три подсоеви, подсојот 2 се покажа како многу доминантен во последните неколку недели и месеци во Индија, Велика Британија и неколку други земји.
Постојат мутации кои се под зголемен интерес и мониторинг, во моментов по бројот на случаи се издвојува овој сој, кој се чини дека станува доминантен кај одредени делови од населението во некои земји
Некои други земји го пријавија истиот сој, но повремено и тој исчезна од циркулацијата, но не може да се процени само врз основа на тој сегмент колку е значаен и битен за клиничката појава, исто така се важни и условите за живот и надзор, објаснува Јанковиќ.
Поентата е дека секоја мутација е опасна затоа што некои завршуваат така што вирусот сам од себе изумира, а некои мутации завршуваат со тоа што вирусот станува полесен за пренесување и попатоген, па затоа мора да внимаваме на сè, нагласува Јанковиќ.
Постојат мутации кои се под зголемен интерес и мониторинг, во моментов по бројот на случаи се издвојува овој сој, кој се чини дека станува доминантен кај одредени делови од населението во некои земји, сумира Јанковиќ.
Колку штитат вакцините?
Јанковиќ посочува дека се забележува дека некои лица кои биле вакцинирани добиле инфекција, но не е забележано дека многу поголем број луѓе завршуваат на интензивна нега или умираат поради овие соеви отколку што би се случило со други.
Потребно е подолго следење и надзор со еднаков квалитет во сите структури за да можеме да имаме јасен став, но според ова, вакцините исто така делуваат и против овој сој, вели тој.
Вирусите се менуваат, дали вакцините се прилагодуваат
„Имаме 200 кандидати за вакцини, 90 се во клиничко испитување, две се орални варијанти“, вели епидемиологот.
„Постојано се прави проверка на постоечките вакцини на сите соеви на вирусот што циркулираат, и ако нивото на заштита на постојните вакцини е доволно против новиот вид, нема да се развива нова вакцина“, посочува Јанковиќ.
Според негови зборови, ако сојот ја пробива заштитата по две дози на вакцината, ќе мора да се развие нов додаток на вакцината.
Јанковиќ рече дека СЗО во моментов не предвидува трета доза на вакцината. (РТС)
