Според д-р Ентони Фаучи, американски експерт за заразни болести и директор на Националниот институт за алергија и инфективни болести, постојат два витамини кои тој ги препорачува за да го одржите вашиот имунолошки систем здрав.
„Ако имате недостаток на витамин Д, тоа влијание врз вашата подложност на инфекција. Затоа, не би имал ништо против да препорачам, а тоа го правам и самиот, земање на додатоци на витамин Д“, изјавил д-р Фаучи (79) за време на Instagram Live, кога актерката Џенифер Гарнер го прашала Фаучи за додатоците што го подобруваат имунитетот.
- Всушност, истражувачите од Универзитетот во Чикаго неодамна открија врска помеѓу недостатокот на витамин Д и веројатноста од зараза со COVID-19 – оние со нелекуван дефицит имале поголема веројатност да бидат позитивни на тестот. „Витаминот Д е важен за функцијата на имунолошкиот систем, а додатоците на витамин Д и претходно покажаа дека го намалуваат ризикот од вирусни инфекции на респираторниот тракт“, рече Дејвид Мелцер, шеф на болничка медицина на Универзитетот во Чикаго и водечки автор на студијата во соопштение за јавноста, објавено на 8 септември.
Покрај витаминот Д, д-р Фаучи истакна дека витаминот Ц е „добар антиоксидант“. „Значи, ако луѓето сакаат да земат грам или најмногу два од витамин Ц, тоа е во ред“, додал тој.
- Витаминот Ц „придонесува за имунолошка одбрана со поддршка на различни клеточни функции“ на имунолошкиот систем на организмот, според студијата објавена во 2017 година од Националниот институт за здравство, а витаминот Ц, исто така, се чини дека спречува и третира „респираторни и системски инфекции“, велат истражувачите. (CNBC)
