Главниот американски епидемиолог, д-р Ентони Фаучи изјави дека долгорочните последици од инфекцијата со COVID-19 се навистина „проблематични“, особено кај младите луѓе.
„Младите луѓе, кои инаку се здрави, а ќе се разболат од коронавирус и немаат потреба од хоспитализација, имаат заостанати симптоми со недели, а понекогаш и со месеци“, изјави Фаучи на брифингот на Американското здружение за микробиологија.
Тој истакна дека дополнителните прегледи покажуваат дека кај многу од нив постојат кардиоваскуларни нарушувања, докази за миокардитис и кардиомиопатија.
За време на воведното обраќање до Американското здружение за микробиологија, Фаучи рече: „Подобро да бидеме претпазливи кога велиме дека младите луѓе кои нема да завршат во болницата се добри, нека се заразат, тоа е ОК. „Не, не е добро“, рече Фаучи, пренесува „Си-ен-ен“.
И Светската здравствена организација вчера предупреди дека ширењето на COVID-19 го предводат луѓе во нивните 20-ти, 30-ти и 40-ти години, од кои многумина се асимптоматски и не се свесни дека се заразени
Неговите коментари доаѓаат откако многу училишта во САД ги отвораат повторно училниците, некои со катастрофални резултати, бидејќи се развиваат нови кластери на коронавирус.
Светската здравствена организација вчера предупреди дека ширењето на COVID-19 го предводат луѓе во нивните 20-ти, 30-ти и 40-ти години, од кои многумина се асимптоматски и не се свесни дека се заразени. Од СЗО велат дека процентот на заразени помлади луѓе расте, ставајќи ги во опасност оние кои се поранливи на болеста – стари лица со хронични заболувања.
