Германската комисија за вакцини СТИКО вчера ја стопираше употребата на вакцината против Ковид-19 на АстраЗенека кај лица помлади од 60 години. Одлуката на Комисијата дојде по извештаите за „ретки, но многу тешки тромбоемболиски несакани ефекти“, кај 31 лице што ја примило првата доза. Симптомите се појавиле четири до 16 дена по примање на вакцината, главно кај луѓе помлади од 60 години, според германскиот институт „Пол Ерлих“, пренесе „Си-Ен-Ен“.
Ситуацијата со АстраЗенека во Германија подетално ја објаснува д-р Горан Трајковски, доктор од Македонија кој живее и работи во оваа земја. Д-р Трајковски е специјализант по интерна медицина во Баварија/Германија, вработен на интензивна нега, ургентен центар, оддел за кардиологија, гастроентерологија, но работи со болести од целата интерна медицина. Ви го пренесуваме интегрално постот објавен на неговиот Фејсбук профил.
За оние кои веќе ја добиле првата вакцина ќе има дополнителна одлука до крајот на април. Дотогаш ќе се види колкав број на тромбози ќе се појават вкупно, бидејќи воглавно се појавуваат од 4 до 16 дена по вакцинацијата. Општите реакции од вакцината обично се јавуваат по ден-два (температура, главоболка, треска, болка на местото на инјектирање)
„Досега се вакцинирани 2,7 милиони Германци барем со една доза.
По вакцинирање со АстраЗенека, документирани се 31 случај на тромбоза на венски синус. Кај 19 случаи постои истовремено тромбоцитопенија (недостаток на тромбоцити) – се претпоставува механизам сличен на HIT-II (хепарин индуцирана тромбоцитопенија).
- 26 биле жени (возраст 20-63), 2 мажи (36 и 57 години)
- 2/3 од вакцинираните жени (работат во болници)
Значи, шансите за тромбоза се:
Жени: 1 : 61.400 вакцинирани
Мажи 1 : 432.000 вакцинирани
Се смета дека тромбозата настанува како резултат на автоимуна реакција предизвикана од антителата настанати по вакцинацијата. Овие антитела ги препознаваат сопствените тромбоцити како непријатели и ги напаѓаат. Како резултат на тоа, се создаваат грутки (тромби) и поради тоа што се трошат многу тромбоцити во крвната слика, тие се намалени кај дел од луѓето.
Синусната вена е простор помеѓу мозочните обвивки и нема клапи (дихтунзи) како обичните вени.
Симптоми на тромбоза се: главоболки (воглавно фронтално помеѓу очите), проблеми со видот. Со тек на време, главоболките стануваат посилни и можат да се прошират кон вратот поради менингеална реакција.
Венска тромбоза класично се лекува со антикоагулантна терапија, нема официјална препорака за употреба на аспирин при тромбоза на венски синус
Иако ризикот од Ковид можеби е се уште поголем од вакцината, сепак, бидејќи постојат други опции на пазарот, СТИКО (Комисијата за вакцини во Германија) ја препорачува АстраЗенека од 60 години нагоре.
За оние кои веќе ја добиле првата вакцина ќе има дополнителна одлука до крајот на април.
Дотогаш ќе се види колкав број на тромбози ќе се појават вкупно, бидејќи воглавно се појавуваат од 4 до 16 дена по вакцинацијата. Општите реакции од вакцината обично се јавуваат по ден-два (температура, главоболка, треска, болка на местото на инјектирање)
Венска тромбоза класично се лекува со антикоагулантна терапија, нема официјална препорака за употреба на аспирин при тромбоза на венски синус“, се вели во постот на д-р Горан Трајковски.
