Д-р Марија Гњатовиќ од српскиот Институт за примена на нуклеарна енергија ИНЕП, вели дека колку повеќе лица даваат свој придонес во забавување на ширењето на вирусот, толку полесно ќе се постигне колективен имунитет.
„За да го добиеме, потребна ни е бројка од 60 до 80 проценти од оние кои имаат имунитет, а потоа можеме да кажеме дека сме на пат да се ослободиме од вирусот. Сите вакцини се добри и ефикасни и сите се многу слични. Преку кинеската се внесуваат сите протеини на вирусот и таа има S протеин. Кинезите примениле една мудра техника, односно техника за деактивирање на вирусот што овозможува големи количини на заштитни антитела“, вели Гњатовиќ за „Б92“.
Истражувањата исто така покажаа и дека вакцината на Фајзер/Бионтек е навистина ефикасна, дека предизвикува сериозен имунолошки одговор и создавање на антитела дури и пред ревакцинацијата. Но, вакцината на Фајзер, додава д-р Гњатовиќ, може да предизвика некои побурни реакции, најмногу несакани ефекти се пријавени за оваа вакцина
Истражувањата исто така покажаа и дека вакцината на Фајзер/Бионтек е навистина ефикасна, дека предизвикува сериозен имунолошки одговор и создавање на антитела дури и пред ревакцинацијата.
„Кинеската вакцина е во најголема мера аплицирана кај нас и немаше никакви значајни несакани ефекти. Доста охрабрува фактот дека никому ништо не му се случи, па можеме да тврдиме дека вакцините се ефикасни и безбедни, а тоа ги охрабрува дури и оние кои беа против вакцинацијата“, вели таа.
Вакцината на Фајзер, додава д-р Гњатовиќ, може да предизвика некои побурни реакции, најмногу несакани ефекти се пријавени за оваа вакцина.
Таа објасни дека е многу важно организмот да биде здрав, за да го даде својот максимум, односно да создаде добар имунолошки одговор.
„Исто така, пред првата доза, треба да бидете здрави за да му дадете на вашиот организам можност да даде имунолошки одговор, па затоа е важно маските да се носат и понатаму. Пред, помеѓу две дози, како и по ревакцинирањето“.
Целосниот ефект се очекува две недели по втората доза, но сепак треба и понатаму да се следат заштитните мерки, бидејќи нема цврсти докази дека вакцината штити целосно од пренос на вирусот. Значи, може да го пренесете и понатаму
„По втората доза, приказната е иста. Целосниот ефект се очекува две недели по втората доза, но сепак треба и понатаму да се следат заштитните мерки, бидејќи нема цврсти докази дека вакцината штити целосно од пренос на вирусот. Значи, може да го пренесете и понатаму“.
Таа напоменува дека нивните истражувања покажуваат дека вакцините даваат добар одговор, дури и по првите дози.
Гњатовиќ, како што вели, е и вакцинирана и ревакцинирана, а неколку дена по втората доза, забележала голем скок на антителата. Во Србија, луѓето добро реагираат на вакцините, а како што тврди, секогаш има поединци кои можеби нема да создадат добар имунолошки одговор, но не како последица на вакцината, туку на нивната здравствена состојба. (Б92)
