Д-р Милан Перовиќ, раководител на одделот за подготовка на пациенти за процесот на ин витро оплодување – ГАК Народен фронт Белград, во ТВ гостување зборуваше за проблемите со кои се соочуваат паровите кои сакаат да станат родители.
Како што рече, има се повеќе луѓе кои се соочуваат со овој проблем. Станува збор за бројка од околу 15 до 18 проценти.
Д-р Перовиќ смета дека жената треба да размислува за дете пред 35-тата година бидејќи од таа возраст се зголемуваат ризиците за детето.
Доколку жените се помлади од 38 години, генерална препорака е дека можат да чекаат една година со редовни односи без заштита. Доколку ја поминат таа година без да ги постигнат посакуваните резултати, треба да се обратат кај нас. Меѓутоа кај повозрасните жени на кои резервата на јајниците им е намалена, таа граница е шест месеци редовни незаштитени односи
„Медицината и науката покажаа дека веќе од 35-та година се зголемуваат ризиците. Од ризикот дека ќе биде потешко да се остане во блажена состојба до тоа дека има поголеми ризици за бебето, дека плодот нема да биде идеален.
Не смееме да им даваме лажна надеж на жените дека има време за мајчинство. Има време, но и ризиците се поголеми“, вели д-р Перовиќ.
Докторот зборуваше и за коментарите на жените кои биле подложени на ИВФ.
„Жените обично велат дека процедурата не е напорна и дека да знаеле дека е така порано и ќе ја почнале. Најголема неизвесност се тие резултати, кои всушност се најпредизвикувачки и најтешки“, изјави Перовиќ.
На прашањето кога би требало двојките да побараат стручна помош, докторот вели дека тоа зависи од возраста.
„Доколку жените се помлади од 38 години, генерална препорака е дека можат да чекаат една година со редовни односи без заштита. Доколку ја поминат таа година без да ги постигнат посакуваните резултати, треба да ни се обратат. Меѓутоа кај повозрасните жени на кои резервата на јајниците им е намалена, таа граница е шест месеци редовни незаштитени односи“, рече Перовиќ. (Детињарије)
