“Родителите дури и во кафулиња седат, држат десерт и хранат дете кое е во количка, додека тоа гледа на телефон. Од тоа веќе никој не се срами, не му е непријатно и стана практично нормално“, вели експертот за детски развој д-р Ранко Рајовиќ, околу праксата за хранење на децата пред екрани.
“На предавање, кога ќе ми дојдат родители и кога ќе видат дека тоа е грешка, остануваат збунети и прашуваат како сега? Како да го хранат детето без телефон? Нема да јаде. Тоа значи дека веќе го направиле детето зависно – детето јаде кога гледа во екран. Мајката го храни, таткото го држи телефонот и детето јаде“, објаснува д-р Рајовиќ.
ЗОШТО Е ПРОБЛЕМАТИЧНО РАНЕЊЕТО НА ДЕТЕ ПРЕД ЕКРАН?
Д-р Рајовиќ вели дека детето на тој начин постојано бара стимулација. Тоа ја поврзува храната и тој вид на стимулација, и ако не добие телефон, тоа нема да јаде. Тогаш мајките попуштаат за да го нахранат детето, бидејќи секако им е важно детето да јаде. И влегуваат во уште поголем проблем.
“Ми се јавуваат родители и велат: ‘Ние сакавме да го укинеме екранот, но не може“. Ги прашувам: ‘Како не може?’ Велат, не сака детето да јаде. Значи детето веќе и измамено, мозокот го измамил и тоа бара ментална стимулација додека јаде“, вели докторот.
ШТО ПОВЛЕКУВА ОДБИВАЊЕТО ХРАНА?
Тој додава дека кога детето не сака да јаде, тогаш често се случува да пребира. Не ја сака понудената храна, па тогаш храната му се пасира. И доаѓаме до тоа да се повеќе деца јадат мелена пасирана храна. И влегуваме во проблем.
“Ако консумира само мека храна, детето нема да ја развие вилицата. Што е последица? Имаме се повеќе млади луѓе да вадат по четири заби. Не може забите да ги собере во устата. Нам устата ни се има намалено за 30 години. Тоа претходно не беше така. Некој вели – па што има врска. Па вадиме четири заби, ако е намалена долната вилица, намалено е и лежиштето за јазикот. Јазикот не е само орган што го гледаме, тоа е многу поголем орган. Ако јазикот нема лежиште, тој по малку се истиснува, по милиметар или два, а комплетната циркулација во устата се менува. Веќе се отвора врата на некои проблеми со дишењето. Покрај сето ова, стоматолозите велат дека ако даваме мека храна, ќе има и повеќе кариес“, тврди д-р Рајовиќ.
На врежаното мислење на родителите дека млечните заби не се важни, д-р Рајовиќ вели дека тоа е огромна заблуда и дека тие се поважни и од останатите заби.
“Ако млечните заби ги извадиме поради кариес, храната оди исклучиво на другата страна на устата и тие мускули се зајакнуваат, се јавува хипертрофијаи тие силни мускули прават асиметрија на лицето, го повлекуваат вратниот мускул, па се менува целата оска глава – петица, се пореметува држењето на телото, ‘рбетот спинално се извиткува и ете сколиоза. Ако детето има и рамни стапала, речиси е сигурно дека ќе дојде до нарушено држење на телото. Значи хигиената на забите и цврстата храна се многу важни. Детето треба да ја зема таа храна во раце, а не да го храниме“, заклучува д-р Рајовиќ.
