Многу родители ги потценуваат капацитетите на своите деца, а различни истражувања потврдуваат дека единствената разлика меѓу децата и возрасните е животното искуство. Децата можат да направат толку многу ако им се даде можност и добар пример. До предучилишна возраст, треба да му помогнете на вашето дете да ги развие следниве вештини.
- Помогнете му да изгради самодоверба
Една од најважните вештини што можете да ја негувате кај детето е неговата самодоверба. Пофалете ги неговите успеси, особено кога тие биле предизвик да се реализираат. Водете сметка да го научите вашето дете дека трудот е поважен од резултатите.
- Научете го на одговорност
Експертите се согласуваат дека е важно од самиот почеток да се научи детето на самостојност и одговорно однесување кон себе и кон другите. На почетокот, тоа ќе бидат мали задачи како што се спарување чорапи по перењето, но како што детето расте, задачите стануваат се поголеми. Важно е децата да се освестат за грижата за сопственото тело, одговорноста кон здравата исхрана и едноставните домашни задачи, како и грижата за сопствените и туѓите работи.
- Самостојна подготовка на појадок
Статистиката покажува дека 15% од децата на возраст од 3 до 5 години можат сами да си направат појадок. Оваа информација покажува колку често не сме свесни за можностите на детето на одредена возраст. Можеме да ги научиме децата да направат неколку едноставни варијанти на појадок, кои не вклучуваат готвење.
- Грижа за растение
Засадете семе во земја со вашето дете и научете го како да се грижи за него. Овој едноставен процес може да ги научи децата толку многу. Пред се, тоа го учи на трпение и прифаќање дека во природата за се има време и дека не можеме веднаш да го добиеме она што го сакаме. Исто така, го учи секој ден да се посветува на нешто важно за него, да го гледа растението, да го наводнува, да го трга од дожд или прекумерна топлина, доколку е потребно и да биде одговорен за неговиот развој.
