Сладоледот е еден од омилените летни десерти и вашето бебе сигурно ќе се воодушеви и ќе ги пружа рачињата кога ќе ве види како јадете. Исто така, некои родители сметаат дека сладоледот е одлично “помагало“ за воспалените непца на бебето кога му никнуваат забите.
Меѓутоа, дали сладоледот секогаш е добар избор?
Универзално правило е дека, било што, што е спакувано и направено во фабрика, односно е процесуирано, не е нешто што сакате да му го дадате на вашето бебе. Колку производот има повеќе шеќери, соли или масти, толку пивисоко е рангиран на листата на намирници кои треба да ги избегнувате. Постои опасност купечкиот сладолед да содржи многу состојки кои не се наменети за бебиња, како што е на пример, високофруктозните пченкарни сирупи.
Покрај опасноста од прекумерна доза на шеќер, која не е пожелна ниту за возрасните, втора работа која може да му штети на бебето е температурата на сладоледот.
Прикажано преку пример: мајчиното млеко е со температура од околу 37 степени Целзиусови, и тоа е температура што треба да ја има и адаптираното млеко кога се подготвиува, како и кашичките кога ќе почне да јаде детето. Значи, бебешкиот организам направен е така да вари топла храна, па студениот сладолед може да биде преголем шок за неговиот организам.
Но, секогаш сладолед може да направите и дома, и да ги избегнете сите несакани состојки и температура.
