За новородените бебиња, ноќните оброци се многу важни, не само како храна, туку влијаат и на растот и развојот. Ако добро напредува и има ритам на хранење и спиење во текот на денот, ќе сфатите дека ноќните оброци се повеќе стануваат „средство“ за зближување, утеха и успивање. Вообичаено е бебињата на возраст од шест до девет месеци да се будат за еден или два ноќни оброци. По една година и успешното воведување на немлечната исхрана, педијатрите сметаат дека веќе нема потреба од хранење навечер, дотолку повеќе станува товар за стомакот и желудникот.
Затоа е важно, пред сè, да сфатите дека не секое ноќно будење е поврзано со глад. Со текот на времето, бебињата почнуваат да разбираат дека млекото и вашата блискост е идеален начин за брзо враќање на спиењето. Меѓутоа, ваквиот ритам најмногу влијае на слабиот апетит во текот на денот и на лошиот и „скршен“ сон во текот на ноќта. Всушност, будењето и хранењето ги одржува сити во текот на денот, поради што јадат помалку, а потоа повторно се будат навечер бидејќи нивниот метаболизам е навикнат да надополнува калории во тоа време. И токму овој маѓепсан круг од кој, како што детето старее, многу тешко се излегува.
Педијатарката Кејти Риверс, која е и консултант за спиење, објаснува дека колку се постари деца, толку е потешко да се одвикнат од ноќните оброци. Затоа, доколку ги забележите овие знаци, почнете веднаш да ги исфрлате:
- Слаб апетит во текот на денот
- Будење во исто време во текот на ноќта без оглед на ритамот на спиење
- Ако брзо заспие, штом почне да цица или да пие млеко од шише.
Д-р Риверс советува во овој случај треба да ги зголемите оброците во текот на денот, за да спијат подолго навечер без да се разбудат. Второ, обидете се да најдете друг метод на „удобност“, на пример, бел шум, гушкање, нишкање. Важно е детето сè уште да го чувствува вашето присуство, безбедност и многу брзо да го прифати новиот начин на заспивање доколку сте доследни. Кејт истакна дека пред да се одлучите на ваков чекор, важно е да се консултирате со педијатар за да бидете сигурни дека детето добро напредува.
