Првиот момент кога ќе го видите лицето на вашето бебе е неверојатен! Толку слатко и мекичко, малку чудно обликувано – и покриено со верникс (бела сиреста материја).
Лекарите сега знаат дека новородените бебиња веројатно чувствуваат болка. Но, точно колкава болка чувствуваат за време на породувањето, се уште е дискутабилно прашање
Се разбира, тоа лице за вас е прекрасно, но може да покажува алармантни докази за тешкото патување одвнатре кон надвор.
Јасно е дека бебето минува низ тесен пат при процесот на раѓање. Но, какво е чувството од гледна точка на бебето? Дали бебињата чувствуваат болка за време на раѓањето?
Лекарите сега знаат дека новородените бебиња веројатно чувствуваат болка. Но, точно колкава болка чувствуваат за време на породувањето, се уште е дискутабилно прашање. „Ако извршите медицинска процедура врз бебето кратко време по раѓањето, тоа сигурно ќе чувствува болка“, вели д-р Кристофер Е. Колби, директор на програмата за стипендии за неонатологија на клиниката Мајо во Рочестер, Минесота. „Така, може да се случи бебето да чувствува болка додека минува низ породилниот канал – но никој не знае со сигурност“.
Ако болката навистина се регистрира кај бебето, некои експерти ја споредуваат со чувство на постепено стискање. „Тешко е да се каже што навистина чувствува бебето“, вели д-р Ричард Ауербах, неонатолог во детската болница Џо ДиМаџо, во Холивуд, Флорида. „Но вашата болка и болката на бебето се тотално различни. Можно е болката на бебето да е како што е чувството на протнување низ тесен простор – слично на чувството на компресија кое се јавува кога се обидувате да се вовлечете под ограда“, пишува магазинот „Parents“.
