Добредојдовте во прекрасниот свет на заедничко спиење во кревет со детето. До оваа точка сте дошле или со планско истражување или сосема случајно. Едно е сигурно: сите легнуваме во тој голем кревет од една причина – да заспиеме, а мајките се тие кои навечер “настрадуваат“ будејќи се по сто пати.
Една мајка поделила свое интересно искуство и открила дали тоа му пречи на нејзиниот партнер.
“Грчеви во стомакот, кои кај моето бебе траеа до четвртиот месец, ме доведоа до тоа да го донесам детето да спие со нас во брачниот кревет“, раскажува Тања, мајка на осуммесечното момче Јан.
Тања била толку ненаспиена што повеќе не можела нормално да функционира. Откако го ставила Јан во нејзиниот кревет, конечно фатила неколку часа скапоцен сон и од тогаш креветчето на бебето почнала да го користи за ставање на чисти, неиспеглани алишта.
Од друга страна, Филип, нејзиниот сопруг се будел на најмал звук што го прваело бебето. Тој не бил задоволен со ова решение и повеќепати поради тоа и приговарал.
Водејќи се од сето ова, оваа мајка одлучила да направи паралела и да ги издвои причините што одат во прилог на тоа бебето да спие со вас и причините против тоа.
5 причини ЗА
- Мирно спиете, конечно! Ако вашето бебе има потреба за галење или е гладно во текот на ноќта, не мора да станувате, ниту да се разбудувате. Се може да решите на лице место. Упте подобро е ако сте искусна доилка, па тој процес на хранење може и да го преспиете.
- Нема страв дека бебето ќе се разбуди штом го успиете. Најчесто и вие заспивате заедно со него.
- Создавате круг на доверба со своето дете! Некои студии покажале дека спиењето со новороденче во кревет создава длабока емотивна поврзаност помеѓу родителот и детето.
- Ноќното менување на пелени не бара станување од кревет. Се што ви треба, однапред го подготвувате и ставете покрај креветот за да ви биде на дофат и за да не се расоните.
- Децата брзо растат и времето кога спијат со вас, можеби, никогаш нема да можете да го вратите. Затоа, уживајте во тоа мало слатко заедништво во своето бебе. Еден ден со копнеж ќе се сеќавате на времето кога сте се буделе покрај нивните мали стапала на својата глава.
5 причини ПРОТИВ
- Нема спиење! Дури и најмал звук што ќе испушти детето, може да го разбуди вашиот партнер.
- Некако се случуба да партнерот е личност која секогаш страда од успиени удари од мали нозе и раце. Често сценарио е детето да се сврти кон вас во текот на спиењето, па партнерот да заврши на работ на креветот.
- Нешто недостасува. Некогаш вашиот партнер спиел гушнат со вас, а сега меѓу вас има слатко мало “чудовиште“ со неговите потреби. Хмммм.
- Некогаш пред спиење, можеби сте изгледале серија или филм, а сега? Ни тоа не може повеќе. Можеби на бебето му пречат чудни звуци и светлина од екранот, а единствените звуци што ги толерира бебето се нејговото дишење и плачење.
- Со еден збор – кога веќе ќе помине оваа напорна фаза?
