Проф. д-р Бранислав Тиодоровиќ епидемиолог и член на кризниот штаб за борба против коронавирусот во Србија, за локалните медиуми изјавил дека децата нема да бидат вакцинирани против КОВИД-19, бидејќи кај нив не се развива тешка форма на болеста.
Според него, вакцината против коронавирусот ќе биде задолжителна за постарите лица, хроничните болни и здравствените работници.
“Индикациите за вакцина против новиот коронавирус ќе бидат слични како и за онаа против грипот. Ќе ја примаат повозрасните граѓани, хроничните болни, како и здравствените работници. КОВИД нема да заврши преку ноќ, но не очекуваме вакцина пред крајот на оваа година. Таа мора да биде испитана, проверена и ефикасна, а тоа ќе го утврдува Агенцијата за лекови и медицински средства’, изјавил проф. д-р Тиодоровиќ.
Тој вели дека секоја земја ќе има свој претставник на состанокот на Светската здравствена организација по повод изработката на вакцина, како што претходно било на секој таков состанок при претходни епидемии.
