Како вашето дете се развива и формира, ќе биде поочигледно чиј карактер и темперамент го наследил, како и интелегенцијата. Истражувањата покажале дека гените на мајката ја одредуваат детската интелегенција, додека на таткото влијаат на некои други наследни особини.
Имено, жените имаат поголема веројатност да ги пренесуваат гените за интелигенција на своите деца бидејќи се наоѓаат на Х-хромозомот, а жените имаат два такви хромозоми, додека мажите имаат само еден.
Се верува дека интелигенцијата е меѓу условените гени кои доаѓаат од мајката, а лабораториските студии со генетски модифицирани глувци откриле дека оние со дополнителна доза од мајчиниот ген развиле поголеми глави и мозоци, но имале мали тела. Оние со дополнителна доза од гените на таткото имале мал мозок, но поголемо тело.
Истражувачите идентификувале клетки кои содржат само мајчини или само таткови гени во шест различни делови од мозокот на глувците кои контролираат различни когнитивни функции, од навики во исхраната до помнење.
Клетките со гените на таткото се акумулираат во делови од лимбичкиот систем, кој е вклучен во функции како секс, храна и агресија. Меѓутоа, истражувачите не пронашле никакви клетки од таткото во мозочната кора, каде што се одвиваат најнапредните когнитивни функции, како што се расудувањето и планирањето.
Истражувањето јасно покажува дека генетиката не е единствената одредница на интелигенцијата – се проценува дека само 40 до 60 отсто од интелигенцијата е наследна, а останатиот дел зависи од средината во која расте детето.
