Доаѓа сезоната на настинки и грип, па секој сака да знае повеќе за тоа како да го заштити семејството од бактерии и вируси кои се размножуваат во училиштата. Откако видела многу дебати за тоа дали децата треба да се пресоблечат после училиште, педијатарот Габриела Дауер реши да истражи дали советот има смисла.
„Дали им ја менувате облеката на вашите деца кога ќе се вратат од училиште? Видов дека тоа го препорачуваат двајца педијатри. Тие велат дека тоа е еден од начините да се заштитат децата од инфекција. Никогаш не сум го правела тоа“, вели таа.
Притоа, истакнува дека инсистирала на пресоблекување ако нејзините деца се валкани, но во повеќето случаи тие остануваат во облеката во која биле на училиште до вечерното капење.
„Истражував дали ова има смисла и сфатив дека шансите детето да се зарази ако не се пресоблече се многу мали или никакви. Исклучително е ретко да доволно стафилокока или ешерихија коли всушност преживее на облеката доволно долго да за се заразите, односно да се пренесат бактерии или вируси во устата или носот“, објаснува таа.
Се разбира, постојат исклучоци од правилата. Здравствените работници, кои се околу болните луѓе на работа секој ден, можеби ќе сакаат да се пресоблечат кога ќе се вратат дома. Најзагрозени од инфекција се лицата со намален имунитет, па ако имате такво лице во вашето домаќинство, промената на облеката е добра идеја. Но, генерално кажано, за здрави деца и возрасни кои не поминуваат време во средини каде што се изложени на многу патогени, тоа навистина не е нешто за што треба да се грижите.
