Често може да се забележат родители како туркаат количка за пазарување во маркетите, со транспортер или носилка за бебе во неа. Дали тоа е безбедно? НЕ. Тоа не е безбедно и вусшност е поопасно и од што мислите.
“Количките за пазарување едноставно можат да се превртат, а особено ако на нив или во нив е ставен транспортер за бебе. Количката има тесна база на тркалцата во однос на нејзината висина, па кога ќе се стави детето, се менува и тежиштето. Кога транспортерот или седиштето за бебето се наоѓа на количката, само уште повеќе влијае на тежиштето, зголемувајќи ги шансите за превртување “, вели Дебра Холцман, експерт за безбедност на децата.
Додавањето намирници и останати работи во количката за пазарување, ја прават уште понестабилна, се надоврзува Том Патир, експерт за безбедност.
“Ако транспортерот се преврти, детето ќе биде заробено. И ставањето на бебето во предвидениот простор за седење во количките е еднакво небезбедно“, потенцира тој.
И двацата стручњаци велат дека се свесни дека родителите полека ги возат количките за пазарување во кои е ставено бебето, но нагласуваат дека не може да се верува на останатите купувајќи во маркетот и можноста да налетаат директно на вашата количка.
Наместо да ризикувате со ставање на транспортерот во количка за пазарување, тие ги предлагаат следниве алтернативи:
Купувајте одвоено
Вашиот партнер нека води грижа за бебето додека пазарувате, или обратно. Може да викнете и пријателка која ќе го држи бебето, или ќе ја бутка количката.
Користете носилка (кенгур)
Детето е побезбедно кога е врзано за вас, отколку за количка за пазарување.
Купувајте пократко, но почесто
Имате бебешка количка која има простор за складирање под неа? Одете да пазарувате неколку пати во неделата, а не само еднаш. Така нема да се натоварите со многу работи и нема да ви биде потребна посебна количка од маркетите.
