Возењето автомобил во бременоста не е забрането, но претпазливоста мора да биде поголема. Јасно е дека покрај физичките промени, трудниците поминуваат и низ ментални кои можат да влијаат на падот на концентрацијата, задоцнета реакција, па дури и замор и ненадејна болка, што може да биде многу опасно во сообраќајот.
Малите сообраќајни несреќи може да доведат до поместување на плацентата, продолжени контракции, па дури и потреба од индицирано породување, открило најновото истражување. Студијата, објавена во списанието BMJ Injury Prevention, открила дека дури и оние бремени жени кои имале „трускање“ на патот или често преминувале преку лежечки полицаец, имаат 70 отсто поголеми шанси да доживеат абрупција на плацентата, 54 отсто поголеми шанси за индуцирано породување и 34 отсто за предизвикување продолжени контракции.
Абрупција на плацентата е состојба кога плацентата се одвојува од ѕидот на матката, делумно или целосно, што може да предизвика крварење кај мајката и да го попречи снабдувањето со кислород и хранливи материи за бебето. Ова важи и за трудниците кои возат скутер, во овој случај ризикот од компликации при породување е поголем отколку ако возат автомобил.
Авторот на студијата, д-р Чанг Ји Ли, објаснува: „Овие наоди го потврдуваат фактот дека лекарите треба да бидат свесни за сите ризици, дури и за најмалите, и во склад со бременоста да проценат колку е безбедно да се биде на возачкото седиште“.
