Бебињата сакаат возрасните, особено мајките и татковците, да ги фрлаат благо во висина, а потоа повторно да ги фатат во раце. Речиси и да нема дете кај кое нема да се појави насмевка на лицето кога вака ќе “полета“ низ воздухот, но и покрај тоа, не е баш добра идеја да на овој начин го забавувате детето.
Особено кога станува збор за малите бебиња, овој вид на забава може да биде многу опасен, посочува д-р Филипа Каје, објаснувајќи дека тие се уште немаат контрола врз мускулите на вратот, а главите им се поголеми од остатокот од телото. Како резултат на тоа, при фрлање на многу мало бебе во висина, нивната глава може нагло да се придвижи напред и назад и да доведе до повреда, па дури и повреди на мозокот, вели таа.
Дури и кога бебето е малку постаро, околу шест месеци и веќе има прилично добра контрола над вратот, советот на докторката е да сепак да избегнувате да го фрлате во висина.
Како што детето станува посилно, ризикот од повреда на вратот и главата се намалува и реално почнува да ужива во игрите кои вклучуваат некое вртење, превртување…
Како безбедно да го фрлате детето во висина
Ако одлучите да се забавувате на овој начин со дете кое, да речеме, има една, две или повеќе години, важно е да водите сметка за безбедноста и да не го фрлате детето премногу високо. Логично, секогаш постои ризик да не го фатите добро детето, и да падне, а колку повеќе го фрлате во висина, толку е поголем ризикот да се случи ова.
Совет на д-р Каја е дека ако сепак сакате вашето дете да биде целосно безбедно и да ужива во „летањето низ воздух“, обидете се со следново: држете го цврсто, подигнете го, а потоа движете го низ воздухот додека го држите така. Ова ќе му донесе задоволство, а ризикот од повреда е многу помал, порачува таа.
