Со оглед дека бебињата се чувствителни на температурни промени, веројатно се прашувате дали треба да бидат изложени на клима уред за време на летните горештини. Во принцип, клима уредот не може да му наштети на вашето бебе ако го користите правилно.
- Проветрувајте ја просторијата
Пред да го вклучите клима уредот, проветрете ја просторијата во која престојува бебето. Потоа, затворете ги прозорците, но оставете ја вратата отворена, за да може воздухот да циркулира низ станот.
- Внимавајте на температурата
Додека детето е будно и активно, температурата во станот не треба да биде пониска од 23 степени. Општо правило е дека разликата помеѓу надворешната и внатрешната температура не треба да биде повеќе од 10 или 8 степени во периодот на спиење на бебето.
- Редовно чистете ги филтрите
Редовното чистење на филтерот е многу важно за да се спречат бактериски инфекции. Доколку клима уредот се користи секојдневно, експертите препорачуваат филтрите да се чистат на секои две недели. Откако ќе ги извадите, доволно е да ги измиете во млака вода, добро да ги исушите и повторно да ги вратите.
- Нека дува „нагоре“
Погрижете се бебето да не е директно изложено на воздухот од клима уредот. Затоа, подигнете ги крилјата, но истовремено внимавајте на насоката во која климатизираниот воздух се одбива за да не биде повторно насочен кон детето.
- Користете физиолошки раствор за носот
Со оглед дека воздухот од клима уредот ја суши слузницата на носот на бебето, капнете малку физиолошки раствор, особено ако забележите дека потешко дише на нос.
- Вклучете одвлажнување
Ако температурата во просторијата е превисока, прво изладете ја просторијата, а потоа поставете го клима уредот на функцијата за одвлажнување. Откако ќе ја намалите влажноста и температурата од 26, 27 степени ќе биде прифатлива.
- Внимавајте кога излегувате!
Доколку имате намера да излезете со бебето, исклучете ја климата еден час пред излегување за да може телото на бебето постепено да се навикне на повисоката температура.
