За време на доењето се излачува хормонот окситоцин кој овозможува производство на мајчино млеко, а ја намалува плодноста. Хормонот окситоцин не штити од зачнување, тој само ја намалува плодноста. Некои жени, го користат доењето како показател при одлуката да забременат со второ дете. Тоа е многу слична метода како онаа со броење на плодни и неплодни денови.
Ако не го доите детето цела ноќ, заштитата не делува во потполност. Значи доењето може да биде контрацепција ако е редовно, ако подолг временски период доите и ако доите и преку ноќ. Оној момент кога детето ќе почне да јаде и друга храна, методата станува несигурна. Се додека го доите детето и тоа добива околу 80% од вашето млеко, методот е сигурен.
Кога ќе престанете да доите или да го намалите доењето, редовниот месечен менструален циклус се враќа во нормала, но може да се случи циклус да добиете и за време на доењето. Тогаш ситуацијата целосно се менува и неопходно е за заштита од бременост да се користат други начини.
Иако статистички покажува дека редовното и често доење, сепак е заштита, ако не сакате да останете бремена, применете некој друг вид на заштита. Дополнително заштитете се и бидете сигурни. Оваа метода е еднаква на броење плодни и неплодни денови, каде секогаш може да се добијат некои отстапувања, бидејќи кај секоја жена е поинаква, а овулацијата некогаш може да се јави пред предвидениот ден или подоцна. На циклусот може да влијае и стрес, замор, како и различни фактори кои може да го пореметат менструалниот циклус.
