Сезоната на грип почна повеќе од еден месец порано, а стручњаците предупредуваат дека оваа сезона би можела да биде една од најтешките во последната деценија. Британската здравствена служба (NHS) издаде предупредување поради стравот дека сето ова може да доведе до исклучително тешка зима.
Иако има многу неизвесност, водечките експерти велат дека не би биле изненадени доколку ова биде најлошата сезона на грип во изминатите десет години, пишува Би-би-си.
„Веќе извесно време не сме виделе вирус како овој, овие обрасци се необични,“ вели професорката Никола Луис, директорка на Светскиот центар за грип при Институтот „Френсис Крик“. „Тоа ме загрижува, апсолутно. Не паничам, но сум загрижена,“ додала таа.
Во Велика Британија и Јапонија веќе е забележан пораст на случаи од септември, поттикнати од враќањето на децата во училиштата и почетокот на постуденото време. Иако точните последици од мутациите сè уште не се целосно разјаснети, научниците веруваат дека тие му овозможуваат на вирусот полесно да ги зарази луѓето, дури и оние со делумен имунитет
Причина е ненадејната мутација на вирусот на сезонскиот грип H3N2, што се случила во текот на летото – надвор од вообичаениот период на ширење на грипот.
Седум мутации се појавиле кај сојот H3N2 на сезонскиот грип, што довело до „брз пораст“ на пријавени случаи на мутираниот вирус, објаснува професорот Дерек Смит, директор на Центарот за еволуција на патогени при Универзитетот во Кембриџ. „Речиси е сигурно дека ќе се прошири низ целиот свет,“ вели проф. Смит.
Во Велика Британија и Јапонија веќе е забележан пораст на случаи од септември, поттикнати од враќањето на децата во училиштата и почетокот на постуденото време. Иако точните последици од мутациите сè уште не се целосно разјаснети, научниците веруваат дека тие му овозможуваат на вирусот полесно да ги зарази луѓето, дури и оние со делумен имунитет. Тоа објаснува зошто сезоната на грип не го „почека“ вообичаениот зимски период, кога луѓето повеќе престојуваат во затворени простории со греење и затворени прозорци.
Водечките експерти велат дека не би биле изненадени доколку ова биде најлошата сезона на грип во изминатите десет години
Сезонскиот грип обично има R број (репродуктивен број) околу 1,2, додека раните проценки за оваа година се движат околу 1,4, наведува проф. Луис. Поедноставено кажано, ако 100 лица имаат грип, тие во просечна година би го пренеле на 120 лица, а оваа година на 140.
Во типична сезона на грип, околу секој петти човек се заразува со вирусот, но оваа година таа бројка би можела да биде и поголема, предупредува професорот Кристоф Фрејзер од Институтот за пандемиски науки при Универзитетот во Оксфорд.
Сепак, сите овие прогнози сè уште се обвиени со неизвесност. Австралија, која оваа година ја забележа својата најтешка сезона на грип досега, служи како предупредување, иако тамошниот бран на грип се однесуваше на поинаков сој на вирусот.
