Родителите често со најдобри намери ги пренесуваат своите образци на однесување на децата, без да забележат дека некои од нив можат да имаат долгорочно негативно влијание. Не станува збор за тоа дека сакаат да им наштетат, туку за навики што несвесно се повторуваат од генерација на генерација.
Препознавањето на овие навики е првиот чекор кон нивно менување и давање на децата поздрав пример. Психологот, мајка и едукатор за воспитување, Џејми Блох, откри неколку лоши навики кои родителите несвесно ги пренесуваат на своите деца:
-
Претерано угодување на другите
-
Избегнување тешки емоции
-
Негативен внатрешен говор
-
Перфекционизам
-
Претерано извинување
-
Постојано зафатеност
Покрај тоа, Блох ја издвојува и навиката за избегнување конфликти. Ако децата никогаш не видат здрав начин за решавање на несогласувања, може да мислат дека конфликтот е опасен или да почнат сами да ги повторуваат деструктивните образци. „Ако децата никогаш не видат здраво решавање на конфликтот, може да се плашат од конфликт или да повторуваат деструктивни модели“, вели Блох. Со тоа, децата се лишуваат од можноста да научат дека конфликтот може да биде пат кон разбирање и раст.
Последната важна навика што ја истакнува експертката е заборавањето дека радоста е смислата на животот. Кога ја потценуваме важноста на играта, смеењето и веселбата, децата добиваат порака дека среќата не е важна. „Радоста е срцето на детството и тоа што не носи и низ возрасниот живот“, тврди психологот. Токму радоста им дава на децата чувство на слобода и сигурност, што подоцна им помага полесно да се справуваат со предизвиците на возрасниот живот.
„Родителството не значи да бидеме совршени; станува збор за тоа да ги забележиме, поправиме и полека смениме навиките што сакаме да ги прекинеме. Да ги прекинеме генерациските циклуси заедно“, заклучува Блох.
