Раѓањето на детето, првите чекори, слатките и смешни моменти, првиот ден во градинка, на училиште… Моменти за паметење кои со задоволство ги овековечуваме, и честопати сакаме да ги споделиме со пошироката заедница. „Sharenting“ е во подем и денес речиси сите објавуваат фотографии од своите деца на социјалните мрежи, во различни прилики. Но внимавајте, постојат некои ситуации во кои е потребна дополнителна претпазливост.
Општо земено, неопходно е да се ограничи споделувањето на локацијата на социјалните мрежи, бидејќи на тој начин откривате вредни информации за вашиот живот, особено местата што вие и вашите деца често ги посетувате. Личните податоци на вашето дете, исто така, не треба да бидат изложени, ниту пак интимните делови на децата
Прво што треба да направите е да ги проверите безбедносните поставки на социјалните мрежи, како и да прочитате што претставуваат одредени ограничувања. Социјалните мрежи треба да го почитуваат законот, но понекогаш некои ограничувања едноставно се заобиколуваат. Прочитајте ги поставките за приватност пред да ги прифатите и продолжите понатаму затоа што сметате дека немате време за тоа.
Објавувањето фотографии од првиот училишен ден е особено популарно, но ситуацијата лесно може да излезе од контрола. Откривате детали за училиштето што го посетува вашето дете, што не е информација што сакате сите да ја знаат ако се грижите за неговата безбедност.
Важно е да се земе предвид и дека еден ден кога вашето дете ќе порасне можеби и нема да биде воодушевено од вашите објави
Општо земено, неопходно е да се ограничи споделувањето на локацијата на социјалните мрежи, бидејќи на тој начин откривате вредни информации за вашиот живот, особено местата што вие и вашите деца често ги посетувате. Личните податоци на вашето дете, исто така, не треба да бидат изложени, ниту пак интимните делови на децата.
Уживате во ситуации кога детето седи на туту затоа што сте горди на новата вештина што вашето најмило ја усовршува. Ве радуваат игрите и насмевките на вашиот одмор покрај море, па не можете да одолеете да не споделите фотографија од децата кои безгрижно си играат во плиткото. Бидете внимателни со вакви фотографии, бидејќи тие лесно можат да се експлоатираат и да се прошират понатаму, а важно е да се земе предвид дека еден ден кога вашето дете ќе порасне можеби и нема да биде воодушевено од вашите објави.
