Ако сте бремени и имате мачнини, можеби до вас ќе стигне навидум чудно објаснување дека тоа е затоа што носите машко дете. Но, дали има вистина во тоа или се во прашање само бапски приказни? Дали потешко се поднесува бременост со машко или со женско дете?
Истражувањето што го објавија научници од Кембриџ сугерира дека бременостите со момчиња сепак потешко се поднесуваат отколку бременостите со девојчиња.
Експертите тоа го препишале на фактот дека момчињата имаат тенденција да растат побрзо, па им треба повеќе кислород и други хранливи материи кои доаѓаат од постелката. Како што велат, машките бебиња бараат многу повеќе додека се во матката. Не знаеме со сигурност зошто е тоа така, но можно е машкиот фетус да има помала толеранција на стрес или тегоби за време на бременоста, додека женските фетуси тоа полесно го поднесуваат и имаат помали барања, се вели во студијата.
Во исто време, ако идната мајка носи девојче со средна големина, нејзината плацента ќе биде пофункционална отколку ако носи поголемо момче.
„Затоа е важно да направите ултразвук за време на бременоста и да го дознаете полот на плодот. Ултразвукот помага да се утврди дали постои ризик од прееклампсија или застој во растот, компликации кои се почести кај трудниците кои носат момчиња отколку кај жените кои носат девојчиња“, заклучијле научниците.
