Многу родители се прашуваат дали постои врска помеѓу растот на забите и пеленскиот осип. Одговорот на ова прашање може да биде и да и не.
Првиот пар заби кај децата, кои најчесто се долните единици, почнуваат да растат околу шестиот месец од животот на бебето. Последниот пат вообичено расте кога бебето има околу 30 месеци. Процесот не е пријатен ниту за децата, ниту за родителите.
Со растењето на забите кај децата, директно може да бидат поврзани многу симптоми, како:
- Болка и иритација
- Поголема количина на плунка
- Лош сон
- Осип на образите
- Лупење на кожата на ушите
- Цицање на раката и други предмети
- Промена во апетитот
- Средно зголемена телесна температура (38,3 степени)
Кога е во прашање пеленскиот осип, постои податок дека секој трет родител во САД потврдува дека бебето страда од некаков вид на пеленски осип. Тој може да биде во вид на точки, или пак почест и поизразен осип. Симптомите обично се јавуваат кај бебиња на возраст од 9 до 12 месеци.
Главни причини за појава на пеленски осип се:
- Нередовна промена на пелените
- Антибиотици
- Дијареа
- Бактериска или габична инфекција
- Долга изложеност на течности или урина
Ова докажува дека пеленскиот осип и растењето на забите немаат многу заедничко, и не се во директна врска едно со друго. Сепак, со оглед дека растењето заби предизвикува саливација (лачење на плунка), а вишокот течности се враќа во стомакот на бебето, тоа може да доведе до дијареа, која е чест причинител на инфекција. Уште една причина може да биде џвакањето, цицањето и ставањето во уста на различни предмети од страна на бебето, кои може да се контаминирани со некоја бактерија и може да делува на бебешкиот дигестивен систем. Освен овие причини, директна врска помеѓу овие две појави кај бебињата не постои.
