Осипот во пеленската регија кај бебињата вообичаено се јавува во текот на првата година од животот, и тоа најчесто од 9. до 12. месец. Педијатрите пеленскиот осип го поврзуваат со постојаната влажност во оваа регија. Но, може да се појави и по започнување со дохрана кај бебето, или ако малото прима антибиотици.
Симптомите вклучуваат:
- Црвенило, отечена и напната кожа во пеленскиот регион – газето, бутовите и гениталиите.
- Бебето се чувствува непријатно, често е вознемирено, а при бањање на газето со вода или при бришење бебето плаче.
Според стручњаците, ова се најчестите причини поради кои се јавува пеленскиот осип:
- Промена на видот на пелените кои ги користите
- Започнување со дохрана на бебето
- Бактериска или габична инфекција – поради тоа што топлата и влажна средина која е присутна во пеленската регија е добра подлога за развој на бактерии и габи
- Промена на прашакот за перење или омекнувачот за алишта
- Чувствителна кожа – атописки дерматитис или егзема
- Триење на кожата
- Употреба на антибиотици
