Зајакнувањето на врската со децата може да биде исполнето со награди, но и предизвици. Како што децата поминуваат низ различни препреки додека растат, динамиката меѓу нив и нивните родители неизбежно се менува и бара нови пристапи за одржување на односите и блискоста.
Така, среќното и поврзано семејство обезбедува поддршка и чувство на сигурност за секој член. Во таква атмосфера, љубовта и разбирањето се клучни, а психологот Џејми Блох открива уште неколку важни фактори. Таа истакнува десет начини за поврзување со децата.
Утрински разговори: Започнете го секој ден со краток утрински разговор.
Обидете сите се да живеете во моментот: Поминете неколку минути секој ден практикувајќи длабоко дишење или набљудувајќи ја природата.
Семејни оброци: Семејните ручеци/вечери нека ви бидат приоритет. Искористете го ова време за да разговарате за денот и да споделите впечатоци. Можете да започнете традиција на споделување „најдобри и најлоши моменти од денот“.
Приказни пред спиење: Читајте приказна заедно, разговарајте за денот или разговарајте за соништата и плановите.
Неделни семејни активности: Организирајте неделна семејна вечер со игри, филмови или авантури на отворено. Нека се менуваат оние кои ја избираат активноста.
Активно слушање: Вежбајте активно слушање, покажете искрен интерес за она што децата го кажуваат и одразувајте ги нивните мисли, истакнува психологот.
Заеднички креативни проекти: Учествувајте во заеднички креативни проекти.
Време без технологија: Воспоставете редовни периоди без технологија за поврзување без одвлекување.
Славете ги малите успеси: Заедно прославувајте ги малите успеси и достигнувања.
Забавувајте се и играјте.
„Ако сте родител кој сака повеќе да ужива со децата или подобро да се поврзе, но понекогаш се губите во секојдневните обврски и дисциплина и заборавате како да се вклучите во нивните активности, овие навики можат да помогнат“, заклучува Блох.
