Воспитувањето дете е напорно, а да признаеме, често напорна работа. Веројатно одвреме-навреме се прашувате дали го правам тоа доволно добро? Сигурни сме дека давате се од себе, но денес ќе се занимаваме со строги родители.
Многу родители сметаат дека строгоста е вистинскиот избор за насочување на детето на вистинскиот пат. Но, како да знаете дали сте претерале? Најлесно тоа ќе го откриете со помош на овие шест знаци:
Полесно е на децата да им ги најдете мааните отколку доблестите
Ако им се посветите на вашите деца, поминувате време со нив и навистина ги слушате кога зборуваат – со самото тоа тие ќе бидат опремени со квалитетни алатки за дисциплина. Разговорот со нив ќе биде поедноставен и полесен бидејќи веќе ќе имате развиена комуникација.
Но, ако вашите разговори најмногу се сведуваат на исправање на некое нивно однесување, викање, предупредување и слично, ќе добиете само отдбивање и пркос. Тешко е да се справите со ова, но исто така имајте на ум дека и пркосното дете има чувство дека не може да ги исполни вашите стандарди.
Како да се прекине овој маѓепсан круг? Почнете да го барате доброто кај вашите деца, а не само работи за кои можете да приговарате. И бидете трпеливи. Ден по ден.
Казнувате непожелно однесување, а не „лошо“
Детето истурило млеко на тепихот. Какво однесување е тоа. Несакано, но ваквото однесување не треба да се казнува.
Ако детето донело млеко во просторијата и покрај вашата забрана и го истурило млекото, тоа е и непожелно и „лошо“ однесување бидејќи не ги послушало вашите наредби.
Децата не треба да бидат дисциплинирани кога прават грешки, особено ако не направиле ништо против вашата волја и совет. Односно, нема потреба од строгост кога децата се само деца.
Строги сте кога сте навредени или исфрлени од такт
Ако мотивот за вашата дисциплина е дека сте навредени или исфрлени од такт, тогаш постои проблем. Мотивацијата за дисциплина секогаш треба да биде желбата да се насочат децата кон посакуваното и правилно однесување, а не она што е исклучиво пријатно за мама или тато.
Барате совршенство
Децата денес се бомбардирани со барања од сите страни. Некои деца можат да поднесат повеќе, некои не можат. Ако детето не може да жонглира со многу задачи или барања, може брзо да почне да се чувствува како светот да го оптоварува.
Како ќе знаете дека на детето му е премногу, дека станува анксиозно и незадоволно? Со разговор со него и слушање што има да каже. Затоа што тоа значи вистински да ги познавате. И тие се соочени со стравови и притисоци, исто како и ние, едноставно не се опремени со алатки за справување со нив, како родителите.
Затоа, бидете нивно прибежиште. Нека не треба да се чувствуваат совршени со вас, туку задоволни и заштитени.
Посветувате повеќе внимание на однесувањето отколку на нивните чувства
Лесно е да се фатиме со недоличното однесување на децата во текот на денот, бидејќи тоа е нешто што го забележуваме. Децата кои се чувствуваат запоставено го чувствуваат тоа потсвесно. И што следи – непожелно однесување кое ќе го привлече вниманието на родителите. Неважно дали се работи за негативно.
Родителите денес често поминуваат време гледајќи во своите паметни телефони, а по тоа можат само да го забележат однесувањето на своето дете, а не неговите чувства кои се кријат зад тоа.
Затоа, немојте секогаш да се посветувате на исправување на лошото однесување, понекогаш подобро запрашајте се – зошто?
Дисциплината ја користите како контрола, а не како водич
Воспитувањето на детето може многу лесно да се претвори во потреба да се контролираат неговите избори, ставови, одлуки, однесување…како да се избегне ова?
Со поставување на граници до кои ќе се придржувате, не донесувајте одлуки налутено, редовно проценувајте се себеси и обидете се да им кажете на децата помалку „не“ и повеќе да ги насочувате кон она што се очекува од нив.
