Секако, не постои идеално време за да се стане татко. Различни истражувања спроведени до сега дале различни резултати, во зависност од тоа на што се темелеле. Постарите татковци се посигурни во себе и подобро стојат финансиски, додека предноста на младите татковци е во тоа што имаат повеќе енергија и поблиски сеќавања од детството.
Дали сте подготовени да станате родител?
Многу млади мажи не размислуваат по ова прашање. Најчесто стануваат татковци кога тоа едноставно ќе се случи, независно од годините. Веројатно, тоа е и најздравиот начин на размислување, бидејќи за да се биде добар татко не се пресудни годините, ниту парите.
Единствено прашање кое навистина треба да го поставите за да знаете дали сте подготвени е: Каков е мојот однос со партнерот?
Ако ви се случило случајно родителство и не планирате да започнете заеднички живот со девојката, не пропуштајте да учествувате во животот на детето. Бидете покрај своето дете, без оглед на се. Не дозволувајте никој да ве спречи во тоа. Ова е важен животен испит и немој да дозволите лошо да поминете на него.
На крајот, тоа е ваше дете и вие секогаш за него ќе бидете своевиден херој, пример на кој ќе треба да се угледа. Покажете се во најдобро светло. Направете се за да бидете потпора на неговата мајка, бидејќи ќе ја гледате долго во животот. Дајте се од себе и изградете коректен однос. Потрудете се да осигурате топло окружување на детето. Кога и да имате прилика поминувајте време со него.
